ជើងខ្លាំង ស៊ឹម ប៊ុនឆៃ ត្រូវកីឡាករចំណូលថ្មី ធន់ ចាន់ឌី ធ្វើអោយបាក់មុខមិនគួរអោយជឿនោះទេ
- ភ្នំពេញ
រាជធានីភ្នំពេញ ៖ ជើងចាស់ ស៊ឹម ប៊ុនឆៃ ត្រូវ ធន់ ចាន់ឌី បំបាក់ក្នុងការប្រកួតមិត្តភាពមុនភ្ជុំបិណ្ឌកាលពីថ្ងៃទី៦ តុលា…
រាជធានីភ្នំពេញ ៖ ជើងចាស់ ស៊ឹម ប៊ុនឆៃ ត្រូវ ធន់ ចាន់ឌី បំបាក់ក្នុងការប្រកួតមិត្តភាពមុនភ្ជុំបិណ្ឌកាលពីថ្ងៃទី៦ តុលា…
រាជធានីភ្នំពេញ ៖ ជើងចាស់ ស៊ឹម ប៊ុនឆៃ ត្រូវ ធន់ ចាន់ឌី បំបាក់ក្នុងការប្រកួតមិត្តភាពមុនភ្ជុំបិណ្ឌកាលពីថ្ងៃទី៦ តុលា រវាងកីឡាករជើងខ្លាំង ស៊ឹម ប៊ុនឆៃ និងកីឡាករជើងថ្មី បែរជាកីឡាកររូបនេះបរាជ័យយ៉ាងអាម៉ាសដោយពិន្ទុ ក្រោមដៃកីឡាករវ័យក្មេង ធន់ ចាន់ឌី ក្នុងពេលអ្នកទាំងពីរត្រូវគេអោយប៉ះគ្នានៅប៉ុស្ដិ៍លេខ៥ស្ថិតនៅព្រែកកំពិស ។ ជំនួបរបស់គូនេះ គឺដើម្បីកំដរព្រឹត្តិការណ៍ TV5 Knock out Series By K-Cement ក្នុងវគ្គកីឡាករជើងខ្លាំង៤នាក់ ដែលត្រូវឡើងប្រកួតវគ្គផ្ដាច់ព្រ័ត្រ ត្រូវអោយសម្រាកមួយសប្ដាហ៍ ។
ការបរាជ័យរបស់ ស៊ឹម ប៊ុនឆៃ បានធ្វើអោយអ្នកស្នេហាវិស័យប្រដាល់មានការភ្ញាក់ផ្អើលយ៉ាងខ្លាំង ខណៈដែលការប៉ាន់ស្មាន គឺអ្នកនិយមកីឡាប្រដាល់យល់ថា កីឡាករ ស៊ឹម ប៊ុនឆៃ សមនឹងឈ្នះការប្រកួតក្នុងភាគរយខ្ពស់ ព្រោះតែគេមានប្រវត្តិឡើងរេញច្រើនជាង និងជាកីឡាករដែលមានទេពកោសល្យមិនធម្មតា បើធៀបនឹងកីឡាករ ធន់ ចាន់ឌី ដែលទើបតែឡើងកូដបានមួយឆាវនាពេលចុងក្រោយ។
តាំងពីទឹកទី៣ គេឃើញបង្គោលខៀវដែលមិនសូវមានអ្នកស្គាល់ ព្រោះទើបតែមានឈ្មោះឡើងរេញ វាយអោយបង្គោលក្រហម ស៊ឹម ប៊ុនឆៃ តែម្ដង ដោយធ្វើអោយបង្គោលក្រហម ដួលលើរេញដល់ថ្នាក់អ្នកទស្សនាមិនចង់ជឿថ្វីដៃនោះផង ។ អ្វីដែលគេកត់សម្គាល់គឺការប្រកួតបញ្ចប់៥ទឹកដែលបានធ្វើឡើង គឺកីឡាករ ធន់ ចាន់តាក់ ឈ្នះដាច់តែម្ដង ដែលធ្វើអោយអ្នកណាៗ ក៏លាន់មាត់ថាមិនគួរ ស៊ឹម ប៊ុនឆៃ បាក់សាច់ដល់ម្លឹង ។
យ៉ាងណាគេក៏ឃើញកីឡាករដែលទទួលបរាជ័យនាថ្ងៃនោះ បង្ហាញការប្រឹងប្រែង និងវាយបំបុកទៅកាន់បង្គោលខៀវបានច្រើនផងដែរ ដោយគ្រាន់តែបណ្ដាលមកពីគេឆាប់ហត់ និងវាយបំបុកក្នុងទឹកទី១ និងទី២អស់ខ្យល់ពេកប៉ុណ្ណោះ ទើបក្នុងទឹកទី៤ និងទី៥ ក្លាយជាវេទិកាបាក់សាច់ក្រោមដៃបង្គោលខៀវវិញ ។ គូនេះកីឡាករ ធន់ ចាន់ឌី ឈ្នះពិន្ទុយ៉ាងដាច់តែម្ដង ដោយសារការប្រកួត៥ទឹក គឺកីឡាករអ្នកឈ្នះមានប្រៀបដល់៣ទឹកពេញតែម្ដង ៕
ចែករំលែកព័តមាននេះ