អ្នករស់នៅជុំវិញកីឡដ្ឋានចាស់បារម្ភពីអាជ្ញាធរតម្រូវឱ្យពួកគាត់ចាកចេញ
- កំពង់ឆ្នាំង
ខេត្តកំពង់ឆ្នាំង ៖ ប្រជាពលរដ្ឋរស់នៅជុំវិញកីឡដ្ឋានខេត្តចាស់ ស្ថិតក្នុងភូមិធម្មយុត្ត សង្កាត់ប្អេរ ក្រុងកំពង់ឆ្នាំង កំពុងមានក្តីព្រួយបារម្ភជាខ្លាំងអំពីការរៀបចំអភិវឌ្ឍន៍របស់ខេត្តដែលអាចនឹងតម្រូវឲ្យពួកគាត់រុះរើលំនៅឋានចេញពីជុំវិញរបងស្តាតចាស់ទៅរកទីតាំងថ្មី ។ ក្តីព្រួយបារម្ភនេះ បន្ទាប់ពីអាជ្ញាធរបានដាក់កំណត់ឱ្យប្រជាពលរដ្ឋរស់នៅជាប់របងពីខាងជើងនិងខាងត្បូងស្តាតចាស់…
ក្តីព្រួយបារម្ភនេះ បន្ទាប់ពីអាជ្ញាធរបានដាក់កំណត់ឱ្យប្រជាពលរដ្ឋរស់នៅជាប់របងពីខាងជើងនិងខាងត្បូងស្តាតចាស់ រុះរើចេញ ដោយខ្លួនឯងដោយប្រាប់ថា ដើម្បីរៀបចំអភិវឌ្ឍន៍ក្នុងខេត្ត ។ ទោះជាយ៉ាងនេះក្តី ពួកគាត់ម្នាក់ៗសុទ្ធតែប្រាប់ថា បានរស់នៅទីនេះជាង២០ទៅ៣០ឆ្នាំហើយ បើចង់ឱ្យពួកគាត់ចេញ សូមដោះស្រាយគោលនយោបាយឱ្យបានសមរម្យជាមុនសិន ។
តាមលោក ស៊ីម គង់ អាយុ៦១ឆ្នាំ ដែលមានទីលំនៅពីខាងលិចរបងស្តាតចាស់និយាយថា គាត់រស់នៅលើទីនេះតាំងពីឆ្នាំ១៩៩៥ រហូតមកដល់ពេលនេះមានរយៈពេលជាង២០ឆ្នាំហើយ ។គាត់គឺជាអតីតយោធាម្នាក់ដែរ ប៉ុន្តែបានបោះបង់ការងារចោលតាំងពីនៅសម័យសង្គ្រាមម្ល៉េះដោយសារបញ្ហាគ្រួសារ ។ ថ្មីៗនេះ គាត់បានឮដំណឹងថា មានគម្រោងអភិវឌ្ឍន៍របស់ខេត្តនិងរៀបចំដេញអ្នកនៅជុំវិញស្តាតចាស់ឲ្យអស់ ។ ជាក់ស្តែង ប្រជាពលរដ្ឋដែលនៅពីខាងជើងនិងខាងត្បូងស្តាតចាស់ ត្រូវបានគេឲ្យរុះរើចេញ កាលពីថ្ងៃទី២០ ខែកញ្ញា ប៉ុន្តែមកដល់ពេលនេះមិនទាន់ឃើញរុះរើចេញនៅឡើយទេ ព្រោះមិនទាន់មានការដោះស្រាយគោលនយោបាយនៅឡើយ ។ សម្រាប់អ្នកនៅពីខាងលិចស្តាត ដែលភាគច្រើនមានសំណង់រឹងមាំ មិនទាន់ឃើញមានប្រាប់ឲ្យរុះរើចេញដូចពីខាងជើង និងខាងត្បូងនោះទេ ។
ចែករំលែកព័តមាននេះ