ខេត្តកំពង់ស្ពឺ ៖ បើតាមសេចក្តីរាយការណ៍បានឱ្យដឹងថា ជនសង្ស័យ២នាក់ជាមុខសញ្ញាចែកចាយគ្រឿងញៀនត្រូវសមត្ថកិច្ចប្រើធ្នាក់ឲ្យយកថ្នាំញៀនមកឲ្យម៉ូយ រួចឃាត់ខ្លួនដកហូតថ្នាំញៀន និងវត្ថុតាងមួយចំនួន។ ករណីបង្ក្រាបមុខសញ្ញាចាស់នេះ ធើ្វឡើងកាលពីម៉ោង១និង២០នាទីយប់ ថ្ងៃទី៣ ខែតុលា…
ខេត្តកំពង់ស្ពឺ ៖ បើតាមសេចក្តីរាយការណ៍បានឱ្យដឹងថា ជនសង្ស័យ២នាក់ជាមុខសញ្ញាចែកចាយគ្រឿងញៀនត្រូវសមត្ថកិច្ចប្រើធ្នាក់ឲ្យយកថ្នាំញៀនមកឲ្យម៉ូយ រួចឃាត់ខ្លួនដកហូតថ្នាំញៀន និងវត្ថុតាងមួយចំនួន។ ករណីបង្ក្រាបមុខសញ្ញាចាស់នេះ ធើ្វឡើងកាលពីម៉ោង១និង២០នាទីយប់ ថ្ងៃទី៣ ខែតុលា ឆ្នាំ២០១៨ តាមផ្លូវលំ១កន្លែង ស្ថិតក្នុងភូមិវាលធំ ឃុំត្រែងត្រយឹង ស្រុកភ្នំស្រួច។
ជនសង្ស័យទី១-ឈ្មោះ ឃាង សុជាតិ ភេទប្រុស អាយុ២៨ឆ្នាំ និងទី២-ឈ្មោះគឹម វុទ្ធី ភេទប្រុស អាយុ២៧ឆ្នាំ។ ពួកគេទាំង២នាក់រស់នៅភូមិ-ឃុំតេជោអភិវឌ្ឍន៍ ស្រុកឈូក ខេត្តកំពត ហើយវត្ថុតាងដែលដកហូតបានរួមមាន ម្សៅក្រាមពណ៌សចំនួន៥កញ្ចប់ (តូច៤មធ្យម១), ជញ្ជីងថ្លឹងថ្នាំញៀន១, ទូរស័ព្ទដៃ២គ្រឿង និងម៉ូតូចាស់១គ្រឿង។
ប្រភពព័ត៌មានពីសមត្ថកិច្ចឲ្យដឹងថា មុនឈានដល់បង្ក្រាបមុខសញ្ញាខាងលើនេះ សមត្ថកិច្ចបានធ្វើការបង្ក្រាបមុខសញ្ញាប្រើប្រាស់ថ្នាំញៀនជាច្រើននាក់ ហើយពួកគេតែងឆ្លើយសារភាពប្រាប់ប្រភពទិញ។ ដោយចង់បង្ក្រាបមុខសញ្ញាចែកចាយ សមត្ថកិច្ចក៏ប្រើធ្នាក់ឲ្យជនសង្ស័យយកថ្នាំញៀនមកលក់ដូរ រួចសមត្ថកិច្ចពួនចាំតាមផ្លូវ។ លុះដល់ម៉ោងកើតហេតុ មុខសញ្ញាជនសង្ស័យទាំង២នាក់ជិះម៉ូតូ១គ្រឿងឌុបគ្នាយកថ្នាំញៀនឲ្យម៉ូយតាមការណាត់មែន ទើបសមត្ថកិច្ចឃាត់ខ្លួននាំមកចាត់ការតែម្តង។
បច្ចុប្បន្ន ជនសង្ស័យ និងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅការិយាល័យជំនាញគ្រឿងញៀន ដើម្បីចាត់ការតាមនីតិវិធី៕
ចែករំលែកព័តមាននេះ