រាជធានីភ្នំពេញ ៖ ទាក់ទងនឹងបំណុលនេះដែររហូតមកដល់ពេលនេះកម្ពុជាមានជាប់បំណុលបរទេសប្រមាណ៦០០០-៧០០០លានដុល្លាអាមេរិកត្រូវជា២៨ភាគរយនៃផលិតផលក្នុងស្រុកសរុប (GDP) ។ បើគិតបំណុលក្នុងមនុស្សម្នាក់ៗ គឺមានប្រមាណ៣០០-៤០០ដុល្លាអាមេរិក ។ នេះបើតាមអ្នកនាំពាក្យគណបក្សកាន់អំណាចលោក សុខ…
រាជធានីភ្នំពេញ ៖ ទាក់ទងនឹងបំណុលនេះដែររហូតមកដល់ពេលនេះកម្ពុជាមានជាប់បំណុលបរទេសប្រមាណ៦០០០-៧០០០លានដុល្លាអាមេរិកត្រូវជា២៨ភាគរយនៃផលិតផលក្នុងស្រុកសរុប (GDP) ។
បើគិតបំណុលក្នុងមនុស្សម្នាក់ៗ គឺមានប្រមាណ៣០០-៤០០ដុល្លាអាមេរិក ។ នេះបើតាមអ្នកនាំពាក្យគណបក្សកាន់អំណាចលោក សុខ ឥសាន្ត បានប្រាប់ឲ្យដឹងតាមបណ្តាញសង្គមតេទ្បេក្រាមនាព្រឹកថ្ងៃទី០៥ តុលា ឆ្នាំ២០១៨នេះ ។ បើតាមលោកសុខ ឥសាន្ត ឱ្យដឹងទៀតថា បំណុលកម្ពុជាដែលជំពាក់បរទេសបើប្រៀបធៀបនឹងបណ្តាប្រទេសនៅសហគមន៍អឺរ៉ុបមានប្រទេសមួយចំនួនបានជាប់បំណុលពី៦០ភាគរយដល់ជាង១០០ ភាគរយ ។
ចំណែកប្រទេសមហាអំណាចសហរដ្ឋអាមេរិកវិញ ទោះបីជាមហាអំណាចសេដ្ឋកិច្ចលើលោកក៏ពិតមែន តែសហរដ្ឋអាមេរិកក៏មានជាប់បំណុលបរទេសច្រើនគួរសមដែរ ។ បើគិតក្នុងប្រជាជនម្នាក់មានប្រមាណ៤០០០០ទៅ ៥០០០០ដុល្លារអាមេរិក ។ នេះបើតាមលោក សុខ ឥសាន្ត ។
អ្នកនាំពាក្យបក្សកាន់អំណាចរូបនេះបានគូសបញ្ជាក់ថា ការលើកឡើងនេះមិនមែនជារឿងឈឺក្បាលពីប្រទេសដទៃទេ ។ តែដោយសារតែពួកប្រឆាំងទាំងក្នុង និងក្រៅប្រទេសតែងតែមួលបង្កាច់ពីបញ្ហាបំណុលបរទេសមកបង្ខូចកេរ្ត៍ឈ្មោះរាជរដ្ឋាភិបាលកម្ពុជាថា ធ្វើឲ្យមានបំណុលទុកឲ្យក្មេងជំនាន់ក្រោយទទួលរងសងបុល ត្រង់ប្រទេសដទៃជំពាក់បរទេសធ្ងន់ធ្ងរជាងកម្ពុជាពួកមិននិយាយឡើយ ។ លោកសុខ ឥសាន្ត ក៏បានសង្កត់ធ្ងន់ថា ជារួមបំណុលរបស់ម្ពុជាជាបំណុលអាចគ្រប់គ្រងបាន ដោយសាររាជរដ្ឋាភិបាលកម្ពុជាមានការទទួលខុសត្រូវខ្ពស់ចំពោះប្រទេសជាតិ និងប្រជាជនកម្ពុជាមិនមែនចេះតែខ្ចីៗយកមកស៊ីចាយឥតប្រយោជន៍ដូចពួកប្រឆាំងចេះតែថានោះទ្បើយ ។
គួរឮកថា ដោយយោងស្មារតីនៃកិច្ចព្រមព្រៀងទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១ បណ្តាប្រទេសជាហត្ថលេខីបានសន្យាជួយស្តា និងកសាងអភិវឌ្ឈន៍កម្ពុជាឡើងវិញ ដោយផ្តល់ជាជំនួយផ្សេងៗរួមមានជំនួយឥតសំណង និងជំនួយជាកម្ចីសម្បទានមានការប្រាក់ទាប ៕
ចែករំលែកព័តមាននេះ