អង់គ្លេស ៖ តាមប្រភពព័ត៌មាន Metro បានឲ្យដឹងថា សួនសត្វមួយកន្លែងត្រូវបង្ខំចិត្តប្រើប្រាស់សត្វភេនឃ្វីនធ្វើពីជ័រជំនួសឲ្យសត្វមានជីវិតមែនទែន ដាក់នៅក្នុងទ្រុងពិសេសតម្លៃជិត៨សែនដុល្លារអាមេរិក ក្រោយពីមានផ្ទុះជំអឺគ្រុនចាញ់សត្វបក្សី។ សួនសត្វ Telford…
អង់គ្លេស ៖ តាមប្រភពព័ត៌មាន Metro បានឲ្យដឹងថា សួនសត្វមួយកន្លែងត្រូវបង្ខំចិត្តប្រើប្រាស់សត្វភេនឃ្វីនធ្វើពីជ័រជំនួសឲ្យសត្វមានជីវិតមែនទែន ដាក់នៅក្នុងទ្រុងពិសេសតម្លៃជិត៨សែនដុល្លារអាមេរិក ក្រោយពីមានផ្ទុះជំអឺគ្រុនចាញ់សត្វបក្សី។
សួនសត្វ Telford នៅ Shropshire បានសាងសង់ទ្រុងសម្រាប់ដាក់សត្វភេនឃ្វីនដ៏ពិសេសមួយ ដោយគិតថា នឹងយកភេនឃ្វីនពូជ Humboldt មកចិញ្ចឹម។ ពួកគេបានឲ្យបុគ្គលិកទៅសិក្សាពីវគ្គថែរក្សាសត្វភេនឃ្វីនទៀតផង ដើម្បីត្រៀមនឹងទទួលមកមើលថែនៅក្នុងទ្រុង។
ស្រាប់តែមួយខែក្រោយ ពួកគេបានទទួលដំណឹងថា សត្វភេនឃ្វីននឹងមិនអាចមកដល់សួនសត្វខាងលើទេ ដោយសារតែវាមានចំនួនតិចខ្លាំង ក្រោយមានផ្ទុះជំងឺគ្រុនចាញ់បក្សីទូទាំងផ្ទៃប្រទេស។
ម្ចាស់របស់សួនសត្វខាងលើ ឈ្មោះ Scott Adams អាយុ៣៥ឆ្នាំ មិនបានដឹងសោះថា ការត្រៀមទុករបស់លោកស្រាប់តែបរាជ័យបែបនេះ។ លោកក៏សម្រេចចិត្តបង្កើតទៅជាសត្វភេនឃ្វីនធ្វើពីជ័រ ដើម្បីឲ្យក្មេងៗមើលមួយរយៈ មុនពេលសត្វមែនទែនមកដល់។
លោកថា នេះគឺដោយសារតែសត្វភេនឃ្វីនក្នុងស្រុកពេលនេះ កម្រយ៉ាងខ្លាំង ដែលគេអនុញ្ញាតឲ្យមាននៅតែសួនសត្វធំៗកម្រិតថ្នាក់ជាតិប៉ុណ្ណោះ។ ចំពោះសួនសត្វតូចៗ ដូចជារបស់លោក គឺមិនអាចយកមកបានទេ។ ដូចនេះហើយ មានតែប្រើសត្វជ័រជំនួសសិន៕ វីដេអូឃ្លីបដកស្រង់ចេញពី ៖ Sami Hussein
https://www.youtube.com/watch?v=6gmEc9CrCns
ចែករំលែកព័តមាននេះ