ខេត្តកំពង់ស្ពឺ ៖ ក្រោយផ្ទុះរឿងអាស្រូវមេបញ្ជាការអាវុធហត្ថខេត្តកំពង់ស្ពឺ រឿងស៊ីដាច់លុយកូនចៅ និងមន្ត្រីក្រោមឱវាទ ឈានទៅដល់គណៈកម្មការចំពោះកិច្ចកងរាជអាវុធហត្ថ លើផ្ទៃប្រទេសចុះធ្វើអធិការកិច្ច រួចមកមន្ត្រីដែលមិនសង្ឃឹមថា ទទួលបានលុយនោះ បែរជាមានសង្ឃឹមឡើងវិញដោយម្នាក់ៗបានទទួលថវិកាឧបត្ថម្ភអន្តរាគមន៍បោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ គ្រប់គ្នានេះបើតាមការបញ្ជាក់ប្រាប់ពីសំណាក់មន្ត្រីអាវុធហត្ថតូចតាចម្នាក់។
ដោយឡែកមេបញ្ជាការរងអាវុធហត្ថស្រុកមួយក្នុងចំណោមក្រុងស្រុកទាំង៨បានបង្ហើបថាដំបូងគឺប្រជុំរួមទាំងអស់ទាំងមន្ត្រី និងមេបញ្ជាការក្រោយមកគេបំបែកគ្នាសួរនាំតែមេៗស្រុកប៉ុណ្ណោះ។
បើតាមមន្ត្រីអាវុធហត្ថមួយរូបបានប្រាប់នៅព្រឹកថ្ងៃទី៥ តុលានេះថា ចាប់តាំងពីថ្ងៃទី២ តុលា២០១៨ ដែលក្រុមអធិការកិច្ចចុះមករហូតមកដល់ពេលនេះ គឺនៅមិនទាន់ដឹងលទ្ធផលនៅឡើយទេ តែចំពោះលុយទាំងនោះត្រូវបានដឹងថា មិនទាន់យកទៅណានោះទេ នេះបើតាមការបញ្ជាក់ប្រាប់ពីសំណាក់មេបញ្ជាការរងមួយរូប។
ថ្វីត្បិតតែគណៈកម្មការចំពោះកិច្ចដែលដឹកនាំដោយ លោកឧត្តមសេសនីយ៍ត្រី ស៊ឹម ហុង នៅមិនទាន់បង្ហាញលទ្ធផលផ្លូវការដែលចុះធ្វើអធិការកិច្ច នៅទីបញ្ជាការដ្ឋាន កងរាជអាវុធហត្ថ ខេត្តកំពង់ស្ពឺ មនទាន់បញ្ចេញរបាយការណ៍ផ្លូវការនៅឡើយក្តី។
តែមានតម្រុយថា «ចំពោះលុយទាំងអស់ត្រូវបានដឹងថា មិនបាត់នោះទេ គឺទុកបើកឱ្យមន្ត្រីទាំង១២០នាក់ទាំងអស់តែម្តង ហើយការបើកថវិកាដែលប្រុងនឹងបាត់ទៅនេះ គឺធ្វើឡើងចាប់ពីថ្ងៃទី៤ ខែតុលា មករហូតដល់ថ្ងៃទី៨ ខែតុលា ឆ្នាំ២០១៨ទើបបញ្ចប់។ តែមន្ត្រីខ្លះទៀតលើកឡើងថា កុំតែបែករឿងកុំអីលុយទាំងនេះមិនដឹងជាជិះស្គីទៅដល់ណានោះទេ»។
ព័ត៌មានពិស្តារនឹងមានផ្សាយនៅកាសែតកោះសន្តិភាព
ចែករំលែកព័តមាននេះ