តាមប្រភពព័ត៌មាន Soccer Laduma បានឲ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi ដែលត្រូវបានគេហៅថា ជាបុរសនៃការប្រកួតក្រោយពេលយកឈ្នះលើក្លិប Tottenham…
តាមប្រភពព័ត៌មាន Soccer Laduma បានឲ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi ដែលត្រូវបានគេហៅថា ជាបុរសនៃការប្រកួតក្រោយពេលយកឈ្នះលើក្លិប Tottenham Hotspur កាលពីយប់ថ្ងៃពុធ ពេលនេះមានកំណត់ត្រា UEFA Champions League ស្មើនឹងគូប្រជែងរបស់ខ្លួន Cristiano Ronaldo ហើយ ។
កីឡាករអាហ្សង់ទីនរូបនេះបានស៊ុតបញ្ចូលទីនៅគ្រាប់ទីបី និងទីបួនរបស់ក្រុម ដែលបានយកឈ្នះលើក្លិប Tottenham ក្នុងលទ្ធផល 4-2 ។ នេះគឺជារឿងដែលអស្ចារ្យសម្រាប់ការប្រកួត UCL ឆ្នាំ២០១៨/១៩ របស់ Messi ដែលគេអាចស៊ុតចូល៥គ្រាប់ត្រឹមតែ២ប្រកួត ។
ជារួមមក Messi រកបាន១០៥គ្រាប់ហើយ សម្រាប់ក្លិប Barcelona ក្នុងការប្រកួតនៅក្របខណ្ឌ Champions League តាមទាន់កំណត់ត្រារបស់ជើងខ្លាំង Ronaldo ដែលមាន១០៥គ្រាប់ដូចគ្នា ខណៈលេង UCL ចំនួន១២០ប្រកួតឱ្យអធិរាជស Real Madrid ។
គួរបញ្ជាក់ផងដែរថា ថ្វីបើចំនួនគ្រាប់ដូចគ្នាមែន តែ Messi ត្រូវលេងដល់១២៧ប្រកួតទម្រាំតែបានស្មើនឹង Ronaldo ដែលលេងត្រឹម១២០ប្រកួតប៉ុណ្ណោះ ។ នេះបើទោះបីជាពួកគេនៅក្លិបខុសប្រទេសគ្នាក្តី ក៏នៅតែមានការប្រៀបធៀបមិនដាច់សោះឡើយ ៕
ចែករំលែកព័តមាននេះ