ដឹងថាឡានក្រុងហ្វ្រីៗមានទៅខេត្តណាខ្លះទេ?
- ភ្នំពេញ
រាជធានីភ្នំពេញ ៖ លោក ម៉េត មាសភក្តី អ្នកនាំពាក្យសាលារាជធានីភ្នំពេញ កាលពីថ្ងៃទី៣តុលាបានឱ្យដឹងថា អនុវត្តតាមប្រសាសន៍ដឹកនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន…
រាជធានីភ្នំពេញ ៖ លោក ម៉េត មាសភក្តី អ្នកនាំពាក្យសាលារាជធានីភ្នំពេញ កាលពីថ្ងៃទី៣តុលាបានឱ្យដឹងថា អនុវត្តតាមប្រសាសន៍ដឹកនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន…
រាជធានីភ្នំពេញ ៖ លោក ម៉េត មាសភក្តី អ្នកនាំពាក្យសាលារាជធានីភ្នំពេញ កាលពីថ្ងៃទី៣តុលាបានឱ្យដឹងថា អនុវត្តតាមប្រសាសន៍ដឹកនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា រដ្ឋបាលរាជធានីភ្នំពេញ នឹងរៀបចំរថយន្តក្រុងចំនួន២១៥គ្រឿង សម្រាប់បម្រើសេវាដឹកជញ្ជូនសាធារណៈ ក្នុងនោះ១២០គ្រឿង សម្រាប់ដឹកជញ្ជូនបងប្អូនទៅមកតាមបណ្ដាខត្តដោយមិនបង់ប្រាក់នៅក្នុងឱកាសបុណ្យភ្ជុំបិណ្ឌ ។
សេចក្តីជូនដំណឹងរបស់រដ្ឋបាលរាជធានីភ្នំពេញបានបញ្ជាក់ថា សម្រាប់ប្រជាពលរដ្ឋរស់នៅរាជធានីរដ្ឋបាលរាជធានីភ្នំពេញប្រើរថយន្ត៩៥គ្រឿង រយៈពេល៣ថ្ងៃ ចាប់ពីថ្ងៃទី៨ដល់ថ្ងៃទី១០ តុលា ឆ្នាំ២០១៨ ។សម្រាប់ប្រជាពលរដ្ឋដែលរស់នៅតាមបណ្ដាខេត្ត រដ្ឋបាលរាជធានីភ្នំពេញរៀបចំរថយន្តក្រុង១២០គ្រឿង សម្រាប់ដឹកជញ្ជូនមន្ត្រីរាជការ កងកម្លាំងប្រដាប់អាវុធ ប្រជាពលរដ្ឋ កម្មករ កម្មការិនីពីរាជធានីភ្នំពេញ ទៅតាមបណ្ដាខេត្ត និងពីតាមបណ្ដាខេត្តមករាជធានីភ្នំពេញវិញរយៈពេល៦ថ្ងៃ ចាប់ពីថ្ងៃទី៦ដល់ថ្ងៃទី១១ តុលា ដោយចេញដំណើរចាប់ពីម៉ោង៥និង៣០ព្រឹក ។
សេចក្តីជូនដំណឹងបានបញ្ជាក់ថា ចំពោះទីតាំងចំណតចេញដំណើរទៅតាមបណ្ដាខេត្ត មានដូចខាងក្រោម៖
១-ផ្លូវជាតិលេខ១ ភ្នំពេញ-ព្រៃវែង ស្វាយរៀង ចំណតចេញដំណើរនៅផ្លូវ៦០ម៉ែត្រ មុខក្រុមហ៊ុនម៉ែរសឺដែស ។
២-ផ្លូវជាតិលេខ២ ភ្នំពេញ-តាកែវ ភ្នំពេញ-កែប ចំណតចេញដំណើរផ្លូវ៦០ម៉ែត្រ ក្រុមហ៊ុនម៉េកសឺដេស ។
៣-ផ្លូវជាតិលេខ៣ ភ្នំពេញ-កំពត ចំណតផ្សារជិនជូរីផ្លាហ្សា ។
៤-ផ្លូវជាតិលេខ៤ ភ្នំពេញ-កំពង់ស្ពឺ ភ្នំពេញ-ព្រះសីហនុ ចំណតផ្សារជិនជូរីផ្លាហ្សា ។
៥-ផ្លូវជាតិលេខ៥ ភ្នំពេញ-កំពង់ឆ្នាំង ភ្នំពេញ-ពោធិ៍សាត់ ភ្នំពេញ-បាត់ដំបង ភ្នំពេញ-បន្ទាយមានជ័យ ចំណតសួនច្បារឫស្សីកែវ ។
៦-ផ្លូវជាតិលេខ៦ ភ្នំពេញ-កំពង់ធំ សៀម រាប ចំណតនៃតំបន់អភិវឌ្ឍន៍ជ្រោយចង្វាត្រើយខាងកើត ។
៧-ផ្លូវជាតិលេខ៦ លេខ៧ ភ្នំពេញ-កំពង់ចាម ចំណុចរង្វង់មូលជ្រោយចង្វារខាងកើត ។
៨-ផ្លូវជាតិលេខ៦ លេខ៨ ភ្នំពេញ-ត្បូងឃ្មុំ ភ្នំពេញ-ក្រចេះ ភ្នំពេញ-ស្ទឹងត្រែង នៅចំណតគីឡូម៉ែត្រលេខ៩
ចែករំលែកព័តមាននេះ