ជឿថា…ការថតរូបសែលហ្វីក៏អាចឆក់ជីវិតយើងបានដែរ
តាមប្រភពពី The Sun បានឱ្យដឹងថា មនុស្សជាង២៥០នាក់ត្រូវបានស្លាប់យ៉ាងវេទនា ខណៈពេលកំពុងថតរូប Selfie គិតតាំងពីឆ្នាំ២០១១មក ។ របាយការណ៍ប្រមូលទិន្នន័យមួយបានបង្ហាញឱ្យឃើញថា…
តាមប្រភពពី The Sun បានឱ្យដឹងថា មនុស្សជាង២៥០នាក់ត្រូវបានស្លាប់យ៉ាងវេទនា ខណៈពេលកំពុងថតរូប Selfie គិតតាំងពីឆ្នាំ២០១១មក ។
របាយការណ៍ប្រមូលទិន្នន័យមួយបានបង្ហាញឱ្យឃើញថា មនុស្ស២៥៩នាក់ក្នុងចំណោមមនុស្សទាំងអស់លើពិភពលោក ត្រូវបានស្លាប់ពេលកំពុងថតរូប Selfie នៅចន្លោះឆ្នាំ២០១១ ដល់ ២០១៧ ។ ភាគច្រើននៃការស្លាប់ពេលកំពុងថត Selfie រួមមានការលង់ទឹក គ្រោះថ្នាក់ចរាចរណ៍ និងការធ្លាក់ពីលើទីខ្ពស់។
ដូចយើងដឹងស្រាប់ហើយថា ស្រីៗចូលចិត្តថតរូប Selfie ជាងប្រុសៗ។ ផ្ទុយទៅវិញ ស្ទើរតែ៣ភាគ៤នៃអ្នកស្លាប់ដោយសារតែមូលហេតុបែបនេះ គឺជាមនុស្សប្រុស (ចំនួន១៥៣នាក់)។ នេះមិនមែនមកពីពួកគេឧស្សាហ៍ថត Selfie នោះទេ។ ពួកគេចូលចិត្តថតរូបនៅកន្លែងគ្រោះថ្នាក់ (ដូចជានៅទីខ្ពស់ដាច់កន្ទុយភ្នែក តំបន់លិចទឹក ជាដើម)។
មនុស្ស៨នាក់ ត្រូវបានស្លាប់ដោយសារតែសត្វសាហាវវាយប្រហារ ពេលកំពុងថតរូប Selfie។ មនុស្សចំនួន១៦នាក់ទៀត ត្រូវបានអគ្គិសនីឆក់ស្លាប់។ ចំនួនអ្នកស្លាប់ច្រើនជាងគេ ដោយសារមូលហេតុនេះ គឺនៅប្រទេសឥណ្ឌា និង មានរុស្ស៊ី អាមេរិក និង ប៉ាគីស្ថាន នៅបន្ទាប់នេះ។ សូមប្រយ័ត្នទាំងអស់គ្នា ចំពោះការថត Selfie លើកក្រោយ៕
ចែករំលែកព័តមាននេះ