ការងារដែលទទួលលទ្ធផលល្អទៅបាន លុះណាតែបុគ្គលពេញចិត្តនឹងធ្វើដោយឆន្ទៈពិតៗ ធ្វើដោយការព្យាយាម បូករួមនឹងសមត្ថភាពផង ហើយធ្វើទាំងចិត្តមូលល្អ តែបើបុគ្គលធ្វើការទាំងចិត្តមោះហ្មង ឬក៏ធ្វើទាំងចិត្តខឹងក្រោធនោះពិតជាទទួលលទ្ធផលមិនល្អឡើយ នឹងមានការលើសខ្វះខូចសេចក្តីត្រង់ចំណុចណាមួយមិនខាន ។ ព្រោះសេចក្តីក្រោធនេះគឺជាអាការៈរបស់ចិត្តដែលក្តៅឆួលឆេះ…
ការងារដែលទទួលលទ្ធផលល្អទៅបាន លុះណាតែបុគ្គលពេញចិត្តនឹងធ្វើដោយឆន្ទៈពិតៗ ធ្វើដោយការព្យាយាម បូករួមនឹងសមត្ថភាពផង ហើយធ្វើទាំងចិត្តមូលល្អ តែបើបុគ្គលធ្វើការទាំងចិត្តមោះហ្មង ឬក៏ធ្វើទាំងចិត្តខឹងក្រោធនោះពិតជាទទួលលទ្ធផលមិនល្អឡើយ នឹងមានការលើសខ្វះខូចសេចក្តីត្រង់ចំណុចណាមួយមិនខាន ។ ព្រោះសេចក្តីក្រោធនេះគឺជាអាការៈរបស់ចិត្តដែលក្តៅឆួលឆេះ ក្រវល់ក្រវាយ ពុះកញ្ជ្រោលធ្វើឱ្យចិត្តលោតហក់ទៅតាមអារម្មណ៍លែងគិតពីអ្វីដែលត្រូវ អ្វីដែលខុសអស់រលីង ។
ដឹងទេសេចក្តីក្រោធមកពីមូលហេតុអ្វី ?
អាការដែលនាំឱ្យចិត្តឆួលឆេះនេះមកពីដើមហេតុៈ ព្យាបាទៈ ការចងគំនុំសងសឹកនឹងអ្វីមួយ,ទោសៈ ការគិតប្រទូស្តរ៉ាយនឹងអ្នកណាម្នាក់, កោធៈ ការក្តៅពុះកញ្ជ្រោល ជាប់ក្នុងចិត្ត, បដិឃៈ ការទាស់ចិត្តនឹងទង្វើអ្នកណាម្នាក់ និងអរតិ ការមិនពេញចិត្តនឹងឥរិយាបថអ្នកណាមួយ ។
សេចក្តីក្រោធនេះ ប្រសិនបើកើតឡើងចំពោះមនុស្សធម្មតា មិនសូវជាបង្ករឿងប៉ុន្មានទេ តែបើកើតឡើងចំពោះអ្នកដឹកនាំវិញ ប្រាកដជាមានគ្រោះអន្តរាយខ្លាំងណាស់។ អាស្រ័យហេតុនេះ ការរំលត់សេចក្តីក្រោធចាប់តាំងពីព្យាបាទៈ គឺការចងគំនុំសងសឹកទៅ ជារឿងសំខាន់បំផុតសម្រាប់មនុស្សគ្រប់រូប ។
ចែករំលែកព័តមាននេះ