អ្នកនាំពាក្យគណបក្សកាន់អំណាចបង្ហាញពីបរាជ័យរបស់ក្រុមប្រឆាំង
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានចំអក ទៅអតីតគណបក្សសង្គ្រោះជាតិថា ហួសពេលហើយអូន អ្វីៗទៅមុខអស់ហើយ…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានចំអក ទៅអតីតគណបក្សសង្គ្រោះជាតិថា ហួសពេលហើយអូន អ្វីៗទៅមុខអស់ហើយ…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានចំអក ទៅអតីតគណបក្សសង្គ្រោះជាតិថា ហួសពេលហើយអូន អ្វីៗទៅមុខអស់ហើយ ។ ការចំអករបស់អ្នកនាំពាក្យគណបក្សកាន់អំណាចនេះ បន្ទាប់ក្រុមប្រឆាំងបានទទួលបរាជ័យផ្ទួនៗ ក្នុងការតតាំងជាមួយគណបក្សកាន់អំណាច ទាំងអតីតគណបក្សនេះនៅមានវត្តមានរហូតដល់អស់វត្តមាន ក្នុងការចូលរួមប្រកួតការបោះឆ្នោត ។
លោក សុខ ឥសាន ថ្លែងថា រហូតមកដល់ថ្ងៃទី២ ខែតុលាទៅហើយ មានវិទ្យុបរទេសនិយាយភាសាខ្មែរមួយ នៅតែលើកយកបញ្ហា បោះឆ្នោតនៅកម្ពុជា ដែលបានប្រព្រឹត្តទៅតាំងពីថ្ងៃទី២៩ ខែកក្កដា ឆ្នាំ២០១៨ មកនិយាយធ្វើបទសម្ភាសន៍ជាមួយអ្នកវិភាគមិនឯករាជ្យមកនិយាយមួលបង្កាច់សភាពការណ៍ប្រទេសកម្ពុជា និងបំភិតបំភ័យប្រជាជនកម្ពុជា និងសាធារណជនទូទៅបន្តទៀត ។
លោកបញ្ជាក់ថា តើពួកគេនៅមានមហិច្ឆតានិងគោលបំណងអ្វីទៅ ដែលធ្វើទង្វើបែបនេះ0x017d7
ប៉ុន្តែទោះបីពួកគេមានគំនិតអាក្រក់ស្អីក៏ដោយ ក៏មិនអាចប្រែក្រឡាស់សភាពការណ៍នៅកម្ពុជាឲ្យដើរថយក្រោយបានជាដាច់ខាត ។ លោក សុខ ឥសាន បានលើកឡើងថា ការបោះឆ្នោតបានដំណើរការដោយប្រជាធិបតេយ្យសេរី ត្រឹមត្រូវ និងយុត្តិធ៌ម ទទួលបានការគាំទ្រពីប្រជាជនកម្ពុជាច្រើនលើសលប់ជិត១០០
ភាគរយឯណោះ ។ ការប្រជុំដំបូងនៃរដ្ឋសភាក្រោមព្រះរាជាធិបតីភាពដ៏ខ្ពង់ខ្ពស់បំផុតនៃព្រះ
មហាក្សត្រ បានប្រព្រឹត្តទៅស្របតាមរដ្ឋធម្មនុញ្ញ ។ ការបង្កើតក្បាលម៉ាស៊ីនដឹកនាំរដ្ឋសភាជាតិ និងការបង្កើតរាជរដ្ឋាភិបាលថ្មី នីតិកាលទី៦ បានដំណើរការដោយរលូននិងជោគជ័យ ហើយរាជរដ្ឋាភិបាលថ្មី បាននិងកំពុងដំណើរការការងាររបស់ខ្លួនដោយការទទួលខុសត្រូវខ្ពស់ ។ លោកបន្ថែមថា មេដឹកនាំបណ្តាប្រទេសនៅលើពិភពលោក រួមមានទាំងប្រទេសមហាអំណាចធំៗ បានផ្ញើសារអបអរសាទរចំពោះសម្តេចតេជោ ហ៊ុន សែន នាយករដ្ឋមន្ត្រីអាណត្តិថ្មី និងទទួលសារតាំងពីឯកអគ្គរាជទូតនៃរាជរដ្ឋាភិបាលថ្មីជាបន្តបន្ទាប់ដូចជា សហរដ្ឋអាមេរិក បារាំង អង់គ្លេស អាល្លឺម៉ង់ រុស្សុី ឥណ្ឌា ចិន ឥណ្ឌូណេសុី។ល។
លោក សុខ ឥសាន បានលើកឡើងថា អង្គការសហប្រជាជាតិ(អ.ស.ប) ក៏បានទទួលស្គាល់រាជរដ្ឋាភិបាលកម្ពុជានីតិកាលទី៦ ជារាជរដ្ឋាភិបាលស្របច្បាប់ តំណាងប្រជាជនកម្ពុជាទូទាំងប្រទេស ហើយបានអញ្ជើញគណៈប្រតិភូរាជរដ្ឋាភិបាល ទៅចូលរួមប្រជុំនៅមហាសន្និបាតលើកទី៧៣នៃ អ.ស.ប នៅទីក្រុងញូវយ៉កទៀត ដែលសម្តេចតេជោបានដឹកនាំគណៈប្រតិភូទៅចូលរួមប្រកបដោយមោទនភាពជាតិខ្ពស់ ។
លោកបានអះអាងថា «ទង្វើឬដំណើរនេះបានធ្វើឲ្យរាល់ឧបាយកលនិងសកម្មភាពរារាំងរបស់ពួកប្រឆាំងទាំងក្នុងនិងក្រៅប្រទេស ត្រូវទទួលបរាជ័យយ៉ាងជូរចត់និងយ៉ាងអាម៉ាស់បំផុត» ។ លោក សុខ ឥសាន បានដាក់សំណួរយ៉ាងដូច្នេះថា តើមកដល់ពេលនេះមានស្អីដែលត្រូវមានការចរចានយោបាយជាមួយពួកឧទ្ទាមក្រៅច្បាប់នោះ ។ តើមានស្អីដែលត្រូវកោះប្រជុំកិច្ចព្រមព្រៀងទីក្រុងប៉ារីសនោះ ? តើមានត្រូវការស្អីឲ្យបរទេសមកធ្វើអាជ្ញាកណ្តាលនោះ ? តើបរទេសណាលើកយកបញ្ហាកម្ពុជាមកពិភាក្សា បើអត់មានការរំលោភសិទ្ធិមនុស្សផងនោះ ? តើត្រូវការអ្វីមកនិយាយពីបញ្ហាកម្ពុជាទៀត បើលទ្ធិប្រជាធិបតេយ្យនៅកម្ពុជា បាននិងកំពុងដំណើរការល្អ មានសក្តានុពល និងមានការរីកចម្រើនល្អនោះ ?
លោកបានសង្កត់ធ្ងន់ថា «អតីតបក្សប្រឆាំងបានងាប់តៃហោងទៅហើយ អត់មានផ្លូវបានមានដង្ហើមឡើងវិញទេ ទុកឲ្យវាងាប់ទៅឋាននរកទៅ ។ ដូច្នេះ រឿងយកបញ្ហាកម្ពុជាមកនិយាយឡើងវិញនោះ អត់ផ្លូវជាដាច់ខាតទោះបីបន្ថែមម៉ោងផ្សាយប៉ុន្មានម៉ោងទៀតក៏គ្មានសង្ឃឹមដែរ មិនបាចខិតខំជួយប្រោះព្រំទេ ។
តែប៉ុនណេះហើយហួសពេលហើយអូន» ។
សូមជម្រាបថា អតីតមេបក្សប្រឆាំងលោក សម រង្ស៊ី បានដើរកៀរគរបរទេសដើម្បីដាក់ គំនាបមកលើរាជរដ្ឋាភិបាលកម្ពុជាក្រោមលេសថា រាជរដ្ឋាភិបាលកម្ពុជាមិនស្របច្បាប់ ដោយសារគ្មានបក្សប្រឆាំងចូលរួមប្រកួតប្រជែង ហើយគណបក្សដែលចូលរួម គឺជាបក្សអំពិលអំពែក និងបក្សអាយ៉ងរបស់បក្សកាន់អំណាចជាដើម ។ទោះបីជាក្រុមប្រឆាំងដើរស្រែកនៅក្រៅប្រទេសយ៉ាងណាក្តី គឺមិនឃើញពីលទ្ធភាពមកលើរាជរដ្ឋាភិបាលកម្ពុជានោះទេ សម្រាប់អាណត្តិទី៦ នៃរាជរដ្ឋាភិបាលនេះ ៕
ចែករំលែកព័តមាននេះ