រាជធានីភ្នំពេញ ៖ ជាមោទភាពណាស់សម្រាប់កម្ពុជាដែលយុវសិស្សកម្ពុជា ចំនួន៧រូប ដែលទទួលបានមេដាយប្រាក់ និងសំរឹទ្ធ ពីការប្រកួតប្រជែងគណិតវិទ្យា និងវិទ្យាសាស្ត្រ អូឡាំព្យាអន្តរជាតិ លើកទី១៥ នៅខេត្ត Zhenjiang ប្រទេសចិន រួមមាន៖ ផ្នែកគណិតវិទ្យា ទី១.យុវសិស្ស យុទ្ធ មុនីឧត្តម ភេទប្រុស (ភ្នំពេញ) មេដាយប្រាក់០១គ្រឿង ទី២.យុវសិស្ស ឡាយ សម្បត្តិ ភេទប្រុស (ភ្នំពេញ) មេដាយសំរឹទ្ធ០១គ្រឿង ទី៣.យុវសិស្ស ព្រេមមី ណូយ៉ាន ភេទប្រុស (ភ្នំពេញ) មេដាយសំរឹទ្ធ០១គ្រឿង ទី៤. យុវសិស្ស ស៊ឹម គ្រីស្ទីណូ ភេទប្រុស (ភ្នំពេញ) មេដាយសំរឹទ្ធ០១គ្រឿង។
ផ្នែកវិទ្យាសាស្ត្រ ទី១.យុវសិស្ស ឆៃលី តុងហេង ភេទប្រុស (ភ្នំពេញ) មេដាយប្រាក់០១គ្រឿង ទី២.យុវសិស្ស តែ អេមេលី ភេទស្រី (ភ្នំពេញ) មេដាយសំរឹទ្ធ០១គ្រឿង ទី៣.យុវសិស្ស វឌ្ឍន៍ រ័ត្នរេណា ភេទស្រី (ភ្នំពេញ) មេដាយសំរឹទ្ធ០១គ្រឿង។ លទ្ធផលដ៏អស្ចារ្យ ខាងលើនេះបានឆ្លុះបញ្ជាំងយ៉ាងច្បាស់អំពីការយកចិត្ត ទុកដាក់ខិតខំបង្ហាត់បង្រៀន ណែនាំ និងរៀន របស់លោកគ្រូ អ្នកគ្រូ ឪពុកម្តាយ ឬអាណាព្យាបាល និងសិស្សានុសិស្ស គ្រប់ពេលវេលា។
តាមរយៈលទ្ធផលដ៏អស្ចារ្យនេះដែរ វាក៏បាននាំមកនូវកិត្តិយសដល់ប្អូនៗខ្លួនឯងផ្ទាល់ គ្រួសារ និងសង្គមជាតិផងដែរ។ ដូច្នោះ សូមប្អូនៗទាំងអស់ បន្តខិតខំប្រឹងប្រែងរៀនសូត្រ ស្តាប់ដំបូន្មានឪពុកម្តាយ អាណាព្យាបាល និងលោកគ្រូ អ្នកគ្រូ ដើម្បីក្លាយខ្លួនជាសិស្សល្អ កូនល្អ ពលរដ្ឋល្អ នៅក្នុងសង្គម៕
ចែករំលែកព័តមាននេះ