ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់បានធ្វើឲ្យរថយន្តរបស់ខ្លួនឆេះអស់មួយកំណាត់ខាងមុខ ក្រោយពីអុជធូបបន់ស្រន់សែនព្រះខែនៅក្នុងរថយន្ត ដើម្បីសុំសេចក្តីសុខសុវត្ថិភាពតាមផ្លូវ។ កាលពីសប្តាហ៍មុននៅក្នុងខេត្ត Yunnan…
ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់បានធ្វើឲ្យរថយន្តរបស់ខ្លួនឆេះអស់មួយកំណាត់ខាងមុខ ក្រោយពីអុជធូបបន់ស្រន់សែនព្រះខែនៅក្នុងរថយន្ត ដើម្បីសុំសេចក្តីសុខសុវត្ថិភាពតាមផ្លូវ។
កាលពីសប្តាហ៍មុននៅក្នុងខេត្ត Yunnan បុរសម្នាក់ត្រកូល Zhang បានអុជធូបក្នុងរថយន្ត ពេលបុណ្យសែនព្រះខែ។ ដោយសារតែបែបនេះ ទើបទេវតាសម្រេចផ្តល់មេរៀនមួយដ៏សំខាន់ដល់រូបគេ អំពីបញ្ហាភ្លើងឆេះ។
Zhang បានយកធូបដែលខ្លួនអុជរួច ទៅដោតនៅលើចន្លោះខាងមុខរបស់រថយន្ត ក្រោយស្លាកលេខ។ ក្រោយពីដោតរួច រូបគេក៏បើកត្រឡប់មកផ្ទះជាធម្មតា។ មិនយូរប៉ុន្មានទេ ភ្លើងក៏ចាប់ផ្តើមឆាបឆេះ រហូតដល់ផ្អើលមនុស្សម្នានៅក្បែរនោះទូរស័ព្ទហៅឡានទឹកជាបន្ទាន់។
ថ្វីបើក្រុមពន្លត់អគ្គិភ័យអាចពន្លត់ភ្លើងបានមែន តែរថយន្តរបស់ Zhang ត្រូវឆេះអស់មួយកំណាត់ខាងមុខនៅសល់តែដែកទៅហើយ។ Zhang បានប្រាប់អ្នកសារព័ត៌មានថា មិនដែលគិតសោះថា ភ្លើងធូប អាចធ្វើឲ្យមានការខូចខាតច្រើនបែបនេះ។
គួរបញ្ជាក់ផងដែរថា កាលពីខែមិថុនាឆ្នាំនេះ ក្នុងក្រុង Jiangsu ខេត្ត Yangzhou ក៏មានករណីស្រដៀងគ្នាកើតមានឡើងដែរ។ បុរសម្នាក់បានអុជធូបសែនរថយន្ត BMW ដែលទើបនឹងទិញក្នុងតម្លៃ ៧៣០០០ដុល្លារអាមេរិក ដើម្បីសុំសេចក្តីសុខ។ តែសេចក្តីសុខមិនព្រមមកសោះ មកតែសេចក្តីទុក្ខ ព្រោះតែភ្លើងធូបបានឆាបឆេះរថយន្តរបស់គេទាល់តែនៅសល់គ្រោងដែក៕
ចែករំលែកព័តមាននេះ