រដូវបុណ្យភ្ជុំបិណ្ឌ១០ថ្ងៃបានកន្លងផុតទៅហើយម្តេចបាត់ដំណឹងកូនឈឹង កន្លែងធ្វើការកូនបានឈប់សម្រាកឬទេ? បើបានសម្រាក កូនមកលេងពុកម៉ែផង កូនអ្នកជិតខាងគេមកជុំគ្នាអស់ហើយ គេសើចសប្បាយក្អាក់ក្អាយព្រោះតែជួបជុំបងប្អូនកូនចៅជិតឆ្ងាយ ។ ចំណែកផ្ទះយើងស្ងាត់ជ្រងំធ្វើឱ្យពុកម៉ែស្រក់ទឹកភ្នែកព្រោះតែនឹកកូន ម៉ែចង់ប្រាប់កូនថា ម៉ែចង់ឃើញកូនៗមកជួបជុំគ្នា…
រដូវបុណ្យភ្ជុំបិណ្ឌ១០ថ្ងៃបានកន្លងផុតទៅហើយម្តេចបាត់ដំណឹងកូនឈឹង កន្លែងធ្វើការកូនបានឈប់សម្រាកឬទេ? បើបានសម្រាក កូនមកលេងពុកម៉ែផង កូនអ្នកជិតខាងគេមកជុំគ្នាអស់ហើយ គេសើចសប្បាយក្អាក់ក្អាយព្រោះតែជួបជុំបងប្អូនកូនចៅជិតឆ្ងាយ ។ ចំណែកផ្ទះយើងស្ងាត់ជ្រងំធ្វើឱ្យពុកម៉ែស្រក់ទឹកភ្នែកព្រោះតែនឹកកូន ម៉ែចង់ប្រាប់កូនថា ម៉ែចង់ឃើញកូនៗមកជួបជុំគ្នា ចង់ហូបបាយជុំគ្នា ចង់ឱ្យកូនជូនម៉ែទៅវត្តនឹងគេឱ្យបានមួយវត្តពីរវត្តណាកូន។
ពុកម៉ែចង់ប្រាប់កូនថា ក្នុងបេះដូងពុកម៉ែមានតែរូបកូនជានិច្ច ចុះក្នុងបេះដូងកូនវិញធ្លាប់មានរូបពុកម៉ែដែរទេ? ឬក៏ក្នុងបេះដូងកូន ផ្ទុកពេញដោយអ្នកដទៃក្រៅអំពីពុកម៉ែទៅហើយ? កូនសាកងាកក្រោយ បែរមុខមករកព្រះនៅក្នុងផ្ទះ ហើយពិចារណាបន្តិចមើលថា តើអ្នកណាស្មោះជាមួយនឹងកូនជាង? ពេលនោះកូននឹងបានដឹងថា អ្នកដែលស្មោះជាមួយកូន គឺមានតែពុកម៉ែប៉ុណ្ណោះ ព្រោះពុកម៉ែហ៊ានទទួលយកនូវទង្វើរបស់កូនគ្រប់បែបយ៉ាង មិនថាទង្វើនោះជាទង្វើវិជ្ជមាន ឬទង្វើអវិជ្ជមានទេ ទោះកូនអាក្រក់ល្អ ស ខ្មៅ ត្រូវខុសយ៉ាងណា ក៏ពុកម៉ែទទួលយកបានដែរ។ តែចំពោះអ្នកដទៃ គេអាចទទួលយកបានតែចំពោះភាពវិជ្ជមានរបស់កូនប៉ុណ្ណោះ ចំណែកចំណុចមិនល្អ ភាពអវិជ្ជមាន ទង្វើអាក្រក់ ខុសឆ្គងរបស់កូន គេមិនអាចទទួលយកបានជាដាច់ខាតដូចពុកម៉ែឡើយ ហើយគេប្រាកដជាបោះបង់ចោលកូនមិនខាន។
តែចំពោះពុកម៉ែទោះបីកូនជាមនុស្សយ៉ាងណាក៏ដោយក៏កូននៅតែជាកូនរបស់ពុកម៉ែ ពុកម៉ែនៅតែស្រឡាញ់កូន ហើយនឹងលើកលែងឲ្យកូនជានិច្ច មិនដែលយកទោស អូសដំណើរកូនឡើយ នេះហើយគឺជាបេះដូងពុកម៉ែ ដែលស្មោះចំពោះកូន ។
ប្រញាប់មកជួបពុកម៉ែ ពុកម៉ែកំពុងទន្ទឹងរង់ចាំកូនគ្រប់ដង្ហើម ម៉ែនឹកកូន ម៉ែស្រឡាញ់កូន ម៉ែមិនប្រាថ្នាអ្វីក្រៅពីនេះទេ ឆាប់មកណាកូនបុណ្យភ្ជុំបិណ្ឌចេះតែរង្កិលទៅមុខហើយ ។
ចែករំលែកព័តមាននេះ