រាជធានីភ្នំពេញ ៖ បុរសម្នាក់ជិះម៉ូតូឃ្លីកបម្រុងឆ្លងផ្លូវត្រូវបានរថយន្តហាយឡេនឌ័រមិនស្គាល់ស្លាកលេខបើកបុកចំពីមុខពេញទំហឹងបណ្តាលអោយដួលបោកក្បាលស្លាប់ភ្លាមៗនៅនឹងកន្លែងកើតហេតុ ចំណែករថយន្តបានបើកគេចបាត់ស្រមោល ។ ហេតុការណ៍នេះបានកើតឡើងកាលពីវេលាម៉ោង២នឹង១៥នាទីរំលងអាធាត្រឈានចូលថ្ងៃទី៤ ខែតុលា ឆ្នាំ២០១៨ តាមបណ្តោយផ្លូវ១៨២ កែងផ្លូវ១០៧…
រាជធានីភ្នំពេញ ៖ បុរសម្នាក់ជិះម៉ូតូឃ្លីកបម្រុងឆ្លងផ្លូវត្រូវបានរថយន្តហាយឡេនឌ័រមិនស្គាល់ស្លាកលេខបើកបុកចំពីមុខពេញទំហឹងបណ្តាលអោយដួលបោកក្បាលស្លាប់ភ្លាមៗនៅនឹងកន្លែងកើតហេតុ ចំណែករថយន្តបានបើកគេចបាត់ស្រមោល ។
ហេតុការណ៍នេះបានកើតឡើងកាលពីវេលាម៉ោង២នឹង១៥នាទីរំលងអាធាត្រឈានចូលថ្ងៃទី៤ ខែតុលា ឆ្នាំ២០១៨ តាមបណ្តោយផ្លូវ១៨២ កែងផ្លូវ១០៧ នៅចំណុចក្បែរនឹងស្តុបកាលពីតូ នៅក្នុងសង្កាត់បឹងព្រលឹត ខណ្ឌ៧មករា។
ជនរងគ្រោះដែលស្លាប់ឈ្មោះទូច ចាន់ថន ភេទប្រុស អាយុ៣៥ឆ្នាំ ស្នាក់នៅបច្ចុប្បន្នមិនពិតប្រាកដ មានស្រុកំណើតនៅភូមិឧដុង ឃុំវាំងចាស់ ស្រុកឧដុង្គ ខេត្តកំពង់ស្ពឺ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរសរងគ្រោះខាងលើជិះម៉ូតូមួយគ្រឿងម៉ាកហុងដាឃ្លីក ពណ៌ស ពាក់ស្លាកលេខ ភ្នំពេញ ១FA-៣៩០៤ បើកបរតាមបណ្តោយផ្លូវ១០៧ មិនដឹងថាម៉ូតូរងគ្រោះនោះបើកបរមកពីទិសខាងជើង ឬមួយក៏មកពីទិសខាងត្បូងនោះទេ គ្រាន់
តែដឹងថា បុរសរងគ្រោះបើកបរម៉ូតូឆ្លងផ្លូវបំបែកជាបួន ។
លុះពេលជនរងគ្រោះបើកបរម៉ូតូឆ្លងបានពាក់កណ្តាលផ្លូវ ស្រាប់តែមានរថយន្តមួយគ្រឿងម៉ាកហាយឡេនឌ័រ ពណ៌ស មិនចាំស្លាកលេខ បើកបរតាមបណ្តោយផ្លូវ១៨២ ក្នុងទិសដៅពីលិចទៅកើតបើកក្នុងល្បឿនយ៉ាងលឿនទៅបុកម៉ូតូឃ្លីកចំពីមុខទំហឹង បណ្តាលអោយជនរងគ្រោះដួលបោកក្បាលស្លាប់តែម្តង រីឯម៉ូតូវិញរងការខូចខាតខ្ទេចអស់មួយកំណាត់ខាងមុខ ភ្លាមៗនោះដែលរថយន្តខាងលើមិនបានឈប់នៅនឹងកន្លែងកើតហេតុនោះទេ ក៏បានបន្ថែមល្បឿនបើក គេចខ្លួនបាត់ស្រមោល ។
ក្រោយពេលកើតហេតុ ម៉ូតូរបស់ជនរងគ្រោះត្រូវបានសមត្ថកិច្ចធ្វើយកទៅរក្សាទុកនៅអធិការដ្ឋាននគរ
បាលខណ្ឌ៧មករា ។ ចំណែកសពជនរងគ្រោះត្រូវបានប្រគល់ឲ្យក្រុមគ្រួសារដឹកយកទៅធ្វើបុណ្យតាមប្រពៃណីនៅឯស្រុកកំណើត ៕
ចែករំលែកព័តមាននេះ