ខេត្តមណ្ឌលគិរី ៖ ដំណឹងនៃគម្រោងបង្កើតខេត្តថ្មីនៅតំបន់ភូមិភាគឦសាន ដោយត្រូវកាត់ស្រុកកោះញែក ខេត្តមណ្ឌលគិរី និងស្រុកលំផាត់ ខេត្តរតនៈគិរី កំពុងធ្វើឲ្យក្រុមឈ្មួញ និងក្រុមឧកញ៉ាៗ ថៅកែ…
ខេត្តមណ្ឌលគិរី ៖ ដំណឹងនៃគម្រោងបង្កើតខេត្តថ្មីនៅតំបន់ភូមិភាគឦសាន ដោយត្រូវកាត់ស្រុកកោះញែក ខេត្តមណ្ឌលគិរី និងស្រុកលំផាត់ ខេត្តរតនៈគិរី កំពុងធ្វើឲ្យក្រុមឈ្មួញ និងក្រុមឧកញ៉ាៗ ថៅកែ អ្នកគក់ជេដី សម្រុកនាំគ្នាចុះទៅប្រមូលទិញដីទុកលក់បន្ត ដើម្បីចំណេញទៅថ្ងៃក្រោយ ។ ចំណែកអ្នកស្រុកដែលជាម្ចាស់ទឹកដីក៏មិនបានបង្អែបង្អង់នោះដែរ គឺនាំគ្នាលក់ភ្លូកទឹកភ្លូកដី ព្រោះកន្លងមក លក់មិនដែលបានថ្លៃឡើយ!!! ចាំអង្កាល់ទៀត!!!
សកម្មភាពទិញលក់ដីធ្លីក្នុងតំបន់គ្រោងបង្កើតខេត្តថ្មី ពិតជាធ្វើឲ្យប្រជាពលរដ្ឋនៅទីនោះមានជីវភាពធូរធាជាងមុនពិតមែន ប៉ុន្តែបញ្ហាថ្មីក៏បានកើតមានឡើងដែរ រហូតដល់អាជ្ញាធរខេត្តមណ្ឌលគិរី បានចេញសេចក្តីប្រកាសឲ្យប្រជាពលរដ្ឋបញ្ឈប់ការកាប់រានដីព្រៃជាបន្ទាន់ ដ្បិតកំពុងប៉ះពាល់ដល់តំបន់គម្របព្រៃឈើ នឹងដីព្រៃបម្រុងទុកជាអចិន្ត្រៃយ៍។
លោក ស្វាយ សំអ៊ាង អភិបាលខេត្តមណ្ឌលគិរី បានឲ្យដឹងថា «ដោយសារដំណឹងបង្កើតខេត្តថ្មី ធ្វើឲ្យមានសកម្មភាពកាប់ទន្ទ្រានដីព្រៃធ្វើជាកម្មសិទ្ធផ្ទាល់ខ្លួនគគ្រឹកគគ្រេង… អាហ្នឹង! បើយើងមិនត្រួតពិនិត្យទេ ប្រហែលជាការកាប់ទន្ទ្រានហ្នឹងវាទៅហើយ… ហើយខ្ញុំក៏ឧស្សាហ៍ណែនាំជំនាញ ក៏ដូចអាជ្ញាធរជួយត្រួតពិនិត្យ និងទប់ស្តាត់ពីបញ្ហានេះ»។
លោកអភិបាលខេត្តបន្តថា «ដោយសារព័ត៌មានបង្កើតខេត្តថ្មី ប្រជាពលរដ្ឋបានសម្រុកនាំគ្នាចាប់ដីព្រៃ និងកាប់ព្រៃឈើដែលធ្វើឲ្យបញ្ហាថ្មីបានលេចឡើង… តែអាជ្ញាធរក៏បានទប់ស្តាត់ទាន់ពេលវេលាផងដែរ»។
តម្លៃដីបានហក់ឡើងភ្លាមៗ ក្រោយលិខិតរបស់សម្តេច ស ខេង ត្រូវបានគេបង្ហោះពេញបណ្តាញសង្គមកាលពីអំឡុងចុងខែសីហា ២០១៨ ដើម្បីស្នើដល់ប្រមុខរាជរដ្ឋាភិបាលសិក្សាបង្កើតខេត្តថ្មីលើទឹកដីស្រុកកោះញែក និងស្រុកលំផាត់ ។
ប្រភពពីស្រុកកោះញែក បានឲ្យដឹងថា មុនដំណឹងបង្កើតខេត្តបែកធ្លាយ ដីនៅតាមបណ្តោយផ្លូវជាតិលេខ៧៦ ឬដីក្នុងផ្សារកោះញែក មានតម្លៃប្រមាណចាប់ពី១.០០០ដុល្លារទៅជាង២.០០០ដុល្លារប៉ុណ្ណោះក្នុងមួយម៉ែត្រ(ម៉ែត្រដើរ) ឬស្ថិតនៅកន្លែងត្រូវប៉ាន់ខ្លាំងអាចមានតម្លៃជាង៣.០០០ដុល្លារ។
ប្រភពបន្តថា គិតចាប់ពីដើមខែកញ្ញា ២០១៨ តម្លៃដីនៅស្រុកកោះញែក បានហក់ឡើងគុណនឹង២ទៅ៣ដង ដែលបានធ្វើឲ្យដីក្នុងតំបន់សង្ស័យថា រាជរដ្ឋាភិបាលបង្កើតជាទីរួមខេត្តថ្មី (រដ្ឋបាលខេត្ត) មានតម្លៃថ្លៃដូចមាស។
ព័ត៌មានពិស្តារនឹងផ្សាយជូននៅលើកាសែតកោះសន្តិភាព
ចែករំលែកព័តមាននេះ