រាជធានីភ្នំពេញ ៖ តារាចម្រៀងកំពុងឡើងកូដក្រោយមានទ្រនំធំជ្រកដើម្បីប្រកួតប្រជែងលើទីផ្សារកញ្ញា ស៊ូ សីរីកា គេនៅចាំបានថា ប៉ុន្មានខែមុននេះបានកើតចិត្តចង់លាឈប់ផ្តាច់ខ្លួនឲ្យផុតពីជីវិតសិល្បៈ ក្រោយរងនូវអារម្មណ៍តានតឹង។ យ៉ាងណាក៏ដោយពេលនេះគេនៅតែឃើញនាងមានវត្តមានក្នុងដងវិថីសិល្បៈដដែលហើយថែមទាំងទម្លាយបន្ថែមទៀតថា មូលហេតុអ្វីបានជានាងចង់បញ្ចប់អាជីពសិល្បៈ?
ក្នុងជំនួបមួយកាលពីរាត្រីថ្ងៃទី៣ តុលា ឆ្នាំ២០១៨ នៃកម្មវិធី «ភ្ជុំមហាគ្រួសារសិល្បៈខ្មែរ» ក្នុងអារម្មណ៍មួយមាំទាំឲ្យដឹងថា រហូតមកទល់ពេលនេះអារម្មណ៍ផ្លូវចិត្តរបសនាងកំពុងជាសះស្បើយឡើងវិញច្រើន ជុំវិញការធ្លាប់ទម្លាយរឿងក្នុងចិត្តដែលនាងចង់លាឲ្យឆ្ងាយពីសិល្បៈ។ នាងទទួលបានការលើកទឹកចិត្តច្រើនពីក្រុមគ្រួសារ មិត្តភក្តិ និងមនុស្សចិត្តល្អជាច្រើនទៀត ដែលដឹងរឿងនាង ហើយនៅក្បែរចាំឲ្យយោបល់ កុំអីនាងអាចលាឈប់។
តារាស្រីរូបស្រស់រូបនេះបានឲ្យដឹងថា «ដើមចមនៃរឿងរីករាលដាលដោយសារតែមានក្រុមតារា១ គេពួកកែណាស់ដើរកៀកតែមេកើយនិយាយចាក់ចូចពីនាងធ្វើឲ្យគេជឿ និងសន្និដ្ឋានថា នាងលេងចរិកមិនគួរណាជួយឲ្យច្រៀង។ គេដើរនិយាយថា ខ្ញុំច្រៀងចម្រៀងចូលតែក្នុងផលិតកម្ម និងឡើងច្រៀងតាមប៉ុស្តិ៍ទូរទស្សន៍ មិនទទួលការងារចេញច្រៀងតាមខេត្តនានានោះទេ កុំទៅទាក់ទង»។ នាងមិនបានប្រើពាក្យពេជន៍បែបនេះឡើយ ដោយនាងមិនបានដឹងខ្លួនឡើយ។ អ៊ីចឹងហើយ ទើបចេះតែឆ្ងល់នាងគ្មានឱកាសឡើងទៅខេត្តនានាដូចគេបានសម្តែងច្រៀងសោះ មកពីមានអ្នកចាំកាកបង្អាក់បែបនេះសោះ។
ចាប់ពីពេលនេះទៅនាងលែងធ្វើខ្លួនឲ្យល្ងង់ទៀតហើយ ដោយនឹងតស៊ូពុះពារបន្តទៀត ព្រោះនឹកស្តាយអ្វីដែលខំប្រឹងប្រែងយូរមកហើយ ទំរាំមានការទទួលស្គាល់ពីបងប្អូនទស្សនិកជន។ ម្យ៉ាងទៀត បន្ទាប់ពីបន្តអារម្មណ៍ប្រឡូកសិល្បៈឃើញថា មានផលវិជ្ជមានច្រើនរឹតតែធ្វើឲ្យនាងមានភាពតស៊ូបោះជំហានតទៅទៀត។
ចែករំលែកព័តមាននេះ