ប្រទេសជប៉ុន ៖ នាយករដ្ឋមន្ត្រីជប៉ុនលោកស៊ីនហ្សូអាបេ កាលពីថ្ងៃទី២តុលាបានរុះរើរដ្ឋាភិបាលរបស់លោក តែដោយរក្សាទុករដ្ឋមន្ត្រីសំខាន់ៗ។
អគ្គលេខាធិការរដ្ឋាភិបាលលោកយ៉ូស៊ីហ៊ីដ ស៊ូហ្គា បានប្រកាសពីសមាសភាពរដ្ឋាភិបាល ដោយនាយករដ្ឋមន្ទ្រីរក្សាទុកសមាជិករដ្ឋាភិបាលបច្ចុប្បន្ន៦រូប។សមាជិករដ្ឋាភិបាលដែលរក្សាទុកមាន លោកយ៉ូស៊ីហ៊ីដ ស៊ូហ្គា ឧបនាយករដ្ឋមន្ត្រីលោកតារ៉ូអាសូដែលកាន់តំណែងរដ្ឋមន្ត្រីហិរញ្ញវត្ថុផងដែរ លោកHIROSHIGE SEKOរដ្ឋមន្ត្រីពាណិជ្ចកម្មនិងឧស្សាហកម្ម លោកតារ៉ូកូណូរដ្ឋមន្ត្រីការបរទេស លោកតូស៊ីមីតស៊ូម៉ូតេហ្ស៊ីរដ្ឋមន្ត្រីសេដ្ឋកិច្ច លោកKEIICHI ISHIIរដ្ឋមន្ត្រីក្រសួងដែនដី ហេដ្ឋារចនាសម្ព័ន្ធ ដឹកជញ្ជួននិងទេសចរណ៍។
ផ្ទុយទៅវិញរដ្ឋមន្ត្រីការពារប្រទេសលោកអ៊ីតស៊ូណូរីអូណូដឺរ៉ា ត្រូវជំនួសដោយលោកតាកេស៊ីអ៊ីវ៉ាយ៉ា។
ការរុះរើរដ្ឋាភិបាលរបស់លោកអាបេ បើតាមពួកអ្នកសង្កេតការណ៍លើជីវភាពនយោបាយជប៉ុនថា ជាការសម្រេចទៅតាមឆន្ទះរបស់លោក បន្តការកែទម្រង់រដ្ឋធម្មនុញ្ញសន្តិភាពរបស់ជប៉ុន៕
ចែករំលែកព័តមាននេះ