អតីតតារាសំដែងតៃវ៉ាន់លែងលះប្តីមហាសេដ្ឋីទទួលបានប្រាក់២៥០លានដុល្លារ
លោកស្រី លីន ជីងសៀ (Lin Ching-hsia) អាយុ៦៣ឆ្នាំ អតីតតារាសំដែងជនជាតិតៃវ៉ាន់បានលែងលះជាមួយលោក ម៉ៃឃើល យីង (Michael…
លោកស្រី លីន ជីងសៀ (Lin Ching-hsia) អាយុ៦៣ឆ្នាំ អតីតតារាសំដែងជនជាតិតៃវ៉ាន់បានលែងលះជាមួយលោក ម៉ៃឃើល យីង (Michael Ying) អាយុ៥៨ឆ្នាំ ជាមហាសេដ្ឋីក្រោយពីរស់នៅរួមគ្នារយៈពេល២៤ឆ្នាំបានទទួលប្រាក់ចិញ្ចឹមចំនួន២៥០លានដុល្លារ ។
ការបញ្ចប់សង្វាស់របស់អ្នកទាំង២ រំពឹងថា អាចមកពីការមានសាហាយស្មន់របស់ប្តី ហើយលោកស្រី លីន ជីងសៀ បានគិតថា ក្នុងពេលនេះជាអំឡុងពេលដ៏សមស្របនឹងបែកគ្នាព្រោះកូនស្រីអាយុ២២ឆ្នាំ និង១៦ឆ្នាំធំពេញវ័យទាំង២នាក់ ។ ជីវិតអាពាហ៍ពិពាហ៍របស់លោកស្រី និងលោក ម៉ៃឃើល យីង ចាប់ផ្ដើមមានការលេចឮព័ត៌មានតាំងពីឆ្នាំ២០១៦ ប៉ុន្តែលោកស្រីបានបដិសេធ ។
កាលពីឆ្នាំ២០១២កន្លងមកក៏មានដំណឹងថា ប្ដីរបស់ខ្លួនស្រមៃចង់បានកូនប្រុស ក៏ទៅមានកូនប្រុសជាមួយស្ត្រីម្នាក់នៅសៀងហៃ រហូតធ្វើឲ្យជីវិតគូចាប់ផ្ដើមថមថយ និងប្រេះឆាព្រោះលោកស្រីមិនអាចមានកូនប្រុសជាមួយគេបាន ។
ស្របពេលជាមួយគ្នានេះខ្សែជីវិតរបស់លោកស្រី លីន ជីងសៀ ក៏មានពន្លឺជាថ្មីព្រោះមានគូស្នេហ៍ថ្មីជាជនបរទេស និងកាលពីខែកក្កដាកន្លងមកក៏មានដំណឹងថា លោកស្រីបានចូលទស្សនាភាពយន្តជាមួយបុរសបរទេស និងត្រូវក្រុមប្រមាញ់ថតរូបបាននៅហុងកុង ៕
ចែករំលែកព័តមាននេះ