អតីតអគ្គលេខាបក្សកុំមុយនីស្តវៀតណាមទទួលមរណភាព
ប្រទេសវៀតណាម ៖ ទីភ្នាក់ងារព័ត៌មានវៀតណាម VNA បានរាយការណ៍នាព្រឹកថ្ងៃទី២តុលា ថា លោក DO MUOI អតីតអគ្គលេខាបក្សកុំមុយនីស្តវៀតណាម…
ប្រទេសវៀតណាម ៖ ទីភ្នាក់ងារព័ត៌មានវៀតណាម VNA បានរាយការណ៍នាព្រឹកថ្ងៃទី២តុលា ថា លោក DO MUOI អតីតអគ្គលេខាបក្សកុំមុយនីស្តវៀតណាម បានទទួលមរណភាពហើយ កាលពីថ្ងៃទី១ តុលា ក្នុងជន្មាយុ១០១ឆ្នាំ។
តាម VNA ថា លោក DO MUOI បានទទួលមរណភាពនាវេលាម៉ោង២៣និង១២នាទីម៉ោងក្នុងស្រុក នៅឯមន្ទីរពេទ្យយោធាលេខ១០៨ ក្រុងហាណូយ ក្រោយពីលោកមានជំងឺប្រចាំកាយធ្ងន់ធ្ងររយៈពេលយ៉ាងយូរមក។
លោក DO MUOI កើតក្នុងខែកុម្ភៈឆ្នាំ១៩១៧ ក្នុងស្រុកជនបទថាញ់ទ្រីជាយក្រុងហាណូយ។ លោកជាអគ្គលេខាបក្សកុំមុយនីស្តវៀតណាមពីខែមិថុនា ឆ្នាំ១៩៩១ រហូតដល់ខែធ្នូ ឆ្នាំ១៩៩៧។ លោកជាអ្នកជំរុញនយោបាយកែប្រែថ្មី និងអភិវឌ្ឍន៍វៀតណាមព្រមទាំងកងកម្លាំងយោធារបស់ប្រទេស។ ម្យ៉ាងវិញទៀតលោកបានទទួលមេដាយសម្រាប់ខួប៨០ឆ្នាំនៃការស្តិតក្នុងបក្សកុំមុយនីស្តវៀតណាម៕
ចែករំលែកព័តមាននេះ