ខេត្តពោធិ៍សាត់ ៖ សេចក្តីរាយការណ៍ឲ្យដឹងថា កាលពីថ្ងៃទី២ តុលា កម្លាំងសមត្ថកិច្ចនគរបាលប៉ុស្តិ៍រដ្ឋបាលសង្កាត់លលក.ស ក្រុងពោធិ៍សាត់ បានធ្វើការឃាត់ខ្លួនបុរសជនជាតិវៀតណាមម្នាក់ ដែលបានប្រព្រឹត្តអំពើហិង្សាវាយបំផ្លិចបំផ្លាញ និងគំរាមអតីតម្តាយក្មេកដើម្បីសួររកប្រពន្ធ…
ខេត្តពោធិ៍សាត់ ៖ សេចក្តីរាយការណ៍ឲ្យដឹងថា កាលពីថ្ងៃទី២ តុលា កម្លាំងសមត្ថកិច្ចនគរបាលប៉ុស្តិ៍រដ្ឋបាលសង្កាត់លលក.ស ក្រុងពោធិ៍សាត់ បានធ្វើការឃាត់ខ្លួនបុរសជនជាតិវៀតណាមម្នាក់ ដែលបានប្រព្រឹត្តអំពើហិង្សាវាយបំផ្លិចបំផ្លាញ និងគំរាមអតីតម្តាយក្មេកដើម្បីសួររកប្រពន្ធ ដែលមានសាលក្រមលែងលះពីតុលា
ការរួចហើយនោះ ។
ជនសង្ស័យឈ្មោះ ជឿង ភឿក ភេទប្រុស អាយុ៣២ឆ្នាំ អតីតជាកូនប្រសារលោកយាយឈ្មោះ មាឃ សាម៉ន អាយុ៥៦ឆ្នាំ ដែលជាដើមបណ្តឹង រស់នៅភូមិវត្តហ្លួងសង្កាត់លលក.ស ក្រុងពោធិសាត់ ខេត្តពោធិសាត់ ។
សេចក្តីរាយការបន្តថា នៅវេលាម៉ោង៣រសៀលថ្ងៃទី១ តុលា ជនសង្ស័យឈ្មោះ ជឿង ភឿក បានទៅធ្វើសកម្មភាពកាត់សោរបង និងកាត់ជញ្ជាំងស័ង្កសីផ្ទះអតីតម្តាយក្មេក និង ស្រែកឡូឡា គំរាមកំហែង ដើម្បីចង់ជួបមុខអតីតប្រពន្ធ ។
ដោយទង្វើ និងសកម្មភាពដែលមិនអាចទទួលយកបាន អតីតម្តាយក្មេកបានប្តឹងសមត្ថកិច្ចមូលដ្ឋាន ឲ្យចាប់ខ្លួនអតីតកូនប្រសារ ដើម្បីចាត់ការតាមផ្លូវច្បាប់ ។ ក្រោយពីឃាតខ្លួនជនសង្ស័យ ត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងខេត្តពោធិសាត់ តាមនីតិវិធី ៕
ចែករំលែកព័តមាននេះ