ខេត្តបន្ទាយមានជ័យ ៖ បុរសម្នាក់បានស្លាប់ក្នុងថ្លុកឈាម និងម្នាក់ទៀតរងរបួសធ្ងន់ដោយសារពលករខ្មែរដូចគ្នាមួយក្រុមចូលទៅព្រួតវាយ និងចាក់សម្លាប់ដល់បន្ទ ប់ព្រោះតែគំនុំរឿង៥ឆ្នាំមុននៅក្រុងបាងកក។ ជនរងគ្រោះទាំង២នាក់ខាង់ឈ្មោះយួន មិត ភេទប្រុស អាយុ៤១ឆ្នាំ…
ខេត្តបន្ទាយមានជ័យ ៖ បុរសម្នាក់បានស្លាប់ក្នុងថ្លុកឈាម និងម្នាក់ទៀតរងរបួសធ្ងន់ដោយសារពលករខ្មែរដូចគ្នាមួយក្រុមចូលទៅព្រួតវាយ និងចាក់សម្លាប់ដល់បន្ទ ប់ព្រោះតែគំនុំរឿង៥ឆ្នាំមុននៅក្រុងបាងកក។
ជនរងគ្រោះទាំង២នាក់ខាង់ឈ្មោះយួន មិត ភេទប្រុស អាយុ៤១ឆ្នាំ ជាមេការសំណង់នៅក្រុងបាងកក និងមានទីលំនៅភូមិងេកងក ឃុំបន្ទាយចក្រី ស្រុកព្រះស្តេច ខេត្តព្រៃវែង បានស្លាប់ និងឈ្មោះរឹទ្ធ (មិនស្គាល់ត្រកូល) ភេទប្រុស ជាកម្មករសំណង់ និងមានទីលំនៅខេត្តព្រៃវែង ។
មេការសំណង់ឈ្មោះយួន មិត្ត ត្រូវបានឃាតករចាក់សម្លាប់ជាច្រើនកាំបិត និងវាយត្រូវជាច្រើនកន្លែង បណ្តាលឱ្យស្លាប់ក្នុងថ្លុកឈាម ។ ចំណែកឈ្មោះរឹទ្ធ ត្រូវក្រុមជនសង្ស័យកាប់របួសកំភួនដៃខាងឆ្វេង និងត្រូវគេវាយនឹងប៉ែលសំណង់ រងរបួសក្បាខាងឆ្វេង ត្រូវគេបញ្ជូនទៅមន្ទីរពេទ្យក្នុងក្រុងកើតហេតុ។
ស្ត្រីឈ្មោះឡាំ ណេត អាយុ៣៤ឆ្នាំ មានកូនប្រុសស្រី៣នាក់ ត្រូវជាប្រពន្ធរបស់ជនរងគ្រោះឈ្មោះយួន មិត្ត ក៏ដូចជាសាច់ញាតិ៣នាក់ផ្សេងទៀតដែលស្ថិតនៅកន្លែងកើតហេតុបានប្រាប់ឱ្យដឹងថា ដំបូងជនរងគ្រោះទាំង២នាក់កំពុងអង្គុយផឹកស្រាក្នុងបន្ទប់ស្នាក់នៅ(បន្ទប់មេការ)កាលពីវេលាម៉ោង៩និង៣០នាទីយប់ថ្ងៃទី២៩ កញ្ញា ២០១៨ ស្រាប់តែជនសង្ស័យឈ្មោះរ័ក្ស ភេទប្រុស ជាកម្មករសំណង់ដូចគ្នា និងស្នាក់នៅបន្ទប់ជួលជិតគ្នាស្រវឹងបានដើរចូលទៅរករឿងដោយសួរនាំរឿងកាលពី៥ឆ្នាំមុន។
ពួកគាត់បន្តទៀតថា ជនរងគ្រោះឈ្មោះមិត បានព្យាយាមអង្វរឲ្យត្រឡប់ទៅវិញដោយនិយាយថា «រឿង៥ឆ្នាំហើយមិនបាច់រំលឹកវាឡើងទៀតទេបើចប់ហើយឲ្យចប់ទៅ» បែជាឈ្មោះរ័ក្ស តបថា «អញចង់រឿងភ្លាមនោះ» ក៏ទាញដបវាយជនរងគ្រោះឈ្មោះមិត ហើយស្រែកហៅបងប្អូនបង្កើត៣នាក់ទៀតឈ្មោះរ៉ា ឈ្មោះរ៉ូ និងឈ្មោះរាជមក ខ្លះកាន់ប៉ែត ខ្លះកាំបិតព្រួតវាយនិងចាក់ជនរងគ្រោះស្លាប់ និងរបួសនៅនិងកន្លែងតែម្តង។
រឿងចាស់កាលពី៥ឆ្នាំមុន ក្រុមសាច់ញាតិនិយាយថា កាលនោះស្ត្រីម្នាក់ឈ្មោះអឿត ជាកម្មករសំណង់របស់ជនរងគ្រោះជាមេការខាងលើ ហើយប្តីរបស់ស្ត្រីឈ្មោះអឿត ផឹកស៊ីស្រវឹងរករឿងវាយធ្វើបាប នាងក៏រត់ទៅចូលបន្ទប់ជនសង្ស័យឈ្មោះរ៉ូ ដោយមេការគិតថា គាត់ដូចជាម៉ែឪគេ ព្រោះនាងនិងប្តីជាកម្មកររបស់គាត់ ក៏នាំបងប្អូនទៅជួយឃាត់សុំកុំឲ្យឈ្លោះគ្នាក្នុងបន្ទប់គេដឹងអី ឈ្មោះរ៉ូ និងបងប្អូនគេថា ចេះដឹងអីហើយថានាង(អឿត)ជាសាច់ញាតិគេតើ ។ គ្រាន់តែរឿងតិចតួចប៉ណ្ណឹងឈានដល់គំនុំជំរះបញ្ជីស្លាប់១ របួសធ្ងន់១ លើទឹកដីថៃតែម្តង ។
ក្រុមសាច់ញាតិបន្តថា ក្រោយជម្លោះកើតឡើង ជនរងគ្រោះត្រូវបានគេបញ្ជូនទៅមន្ទីរពេទ្យ ឯជនដៃដល់ឈ្មោះរ័ក្ស និងឈ្មោះរ៉ា រត់គេចខ្លួនបាត់។
ដោយឡែកឈ្មោះរ៉ូ និងឈ្មោះរាជ ត្រូវបានសមត្ថកិច្ចថៃចាប់ខ្លួន ប៉ុន្តែត្រឹមតែមួយថ្ងៃ គេដោះលែងវិញដោយមិនដឹងពីមូលហេតុ។
ករណីចោទប្រកាន់ខាងលើកោះសន្តិភាពមិនអាចស្វែងរកការបំភ្លឺពីភាគីពាក់ព័ន្ធម្ខាងទៀតបានទេ ព្រោះមិនស្គាល់លេខទូរស័ព្ទ។
សពជនរងគ្រោះត្រូវបានភាគីថៃបញ្ជូនប្រគល់ឲ្យសាច់ញាតិតាមច្រកទ្វារអន្តរជាតិប៉ោយប៉ែតកាលពីព្រលប់ថ្ងៃទី ១ សីហា ២០១៨ ហើយសាច់ញាតិជួលរថយន្តដឹកបន្តទៅភូមិថ្មសិន ឃុំកូប ស្រុកអូរជ្រៅ ខេត្តបន្ទាយមានជ័យ (ផ្ទះប្រពន្ធសព) ដើម្បីធ្វើបុណ្យតាមប្រពៃណី។
ចំណែកជនរងគ្រោះឈ្មោះរឹទ្ធ កំពុងសម្រាកព្យាបាលនៅក្នុងមន្ទីរពេទ្យប្រទេសថៃនៅឡើយ។ ដោយកើតទុក្ខ មិនសុខចិត្ត និងចង់បានភាពយុត្តិធម៌ ក្រុមសាច់ញាតិបានទទូចសុំឲ្យក្រសួងពាក់ព័ន្ធពិសេសរាជរដ្ឋាភិ
បាលកម្ពុជាមេត្តាសហការជាមួយភាគីថៃធ្វើយ៉ាងណាចាប់ជនដៃដល់ និងអ្នកពាក់ព័ន្ធយកផ្តន្ទាទោសតាមផ្លូវច្បាប់៕
ចែករំលែកព័តមាននេះ