ខេត្តស្វាយរៀង ៖ តាមសេចក្តីរាយការណ៍បឋមបានឲ្យដឹងថា កម្មកររោងចក្រម្នាក់បានបាត់បង់ជីវិតយ៉ាងអាណោចអាធម៌ ដោយសារតែខ្យល់គរ បង្កឲ្យមានការភ្ញាក់ផ្អើលនៅវេលាម៉ោង៦ព្រឹក ថ្ងៃទី០២ ខែតុលា ឆ្នាំ២០១៨ នៅក្នុងរោងចក្រសាន់ហ្វេន ក្នុងតំបន់សេដ្ឋកិច្ចពិសេសមេនហាតធេន ស្ថិតក្នុងភូមិថ្នាញ សង្កាត់បាទី ក្រុងបាវិត ។
បើតាមសមត្ថកិច្ចជំនាញបានឲ្យដឹងថា ក្រោយពីទទួលព័ត៌មានថា មានមនុស្សស្លាប់នៅក្នុងរោងចក្រលោកស្នងការនៃស្នងការដ្ឋាននគបាលខេត្តបានចាត់កម្លាំងនគរបាលការិយាល័យបច្ចេកទេសស្នងការដ្ឋាននគបាលខេត្តសហការជាមួយមន្ត្រីនគរបាលក្រុងបាវិត ចុះទៅពិនិត្យដល់កន្លែងកើតហេតុ គឺជនរងគ្រោះឈ្មោះ សៅ ប៉ាលី ភេទប្រុស អាយុ២១ឆ្នាំ ជនជាតិខ្មែរ មុខរបរកម្មកររោងចក្រសានហ្វេន មានទីលំនៅភូមិទួលត្របែក ឃុំប្រសូតិ ស្រុកស្វាយទាប ខេត្តស្វាយរៀង ។
ជនរងគ្រោះបានដួលដេកស្លាប់នៅក្នុងបន្ទប់ទឹកក្នុងរោងរោងចក្រសាន់ហ្វេន នោះតែម្តង ។ ប្រភពដដែលបន្តទៀតថា បើតាមការពិនិត្យរបស់គ្រូពេទ្យ និងសមត្ថកិច្ចជំនាញធ្វើការសន្និដ្ឋានថា ជនរងគ្រោះស្លាប់ដោយសារ ខ្យល់គរហើយថប់ដង្ហើមគាំងបេះដូងស្លាប់ ពុំមែនជាករណីឃាតកម្មទេ ។
បច្ចុប្បន្នសពសមត្ថកិច្ចបានប្រគល់ឲ្យក្រុមគ្រូសារយកទៅធ្វើបុណ្យតាមប្រពៃណីរ ៕
ចែករំលែកព័តមាននេះ