រាជធានីភ្នំពេញ ៖ គេហទំព័រហ្វេសប៊ុកកោះសន្តិភាព កាលពីថ្ងៃទី២៩ កញ្ញា បានចុះផ្សាយ រឿងបែកធ្លាយពាងប្រហុករបស់លោកនាយករងមន្ទីរប្រឆាំងគ្រឿងញៀនក្រសួងមហាផ្ទៃ ២ទៅ៣នាក់មានបងប្អូនរកស៊ីជួញដូរគ្រឿងញៀននោះ។ នៅយប់ថ្ងៃទី០២ តុលា…
រាជធានីភ្នំពេញ ៖ គេហទំព័រហ្វេសប៊ុកកោះសន្តិភាព កាលពីថ្ងៃទី២៩ កញ្ញា បានចុះផ្សាយ រឿងបែកធ្លាយពាងប្រហុករបស់លោកនាយករងមន្ទីរប្រឆាំងគ្រឿងញៀនក្រសួងមហាផ្ទៃ ២ទៅ៣នាក់មានបងប្អូនរកស៊ីជួញដូរគ្រឿងញៀននោះ។ នៅយប់ថ្ងៃទី០២ តុលា ឆ្នាំ២ឥ១៨ លោកនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ បានមានប្រសាសន៍តាមទូរស័ព្ទប្រាប់ឲ្យដឹងថា ក្នុងនាមលោកនាយឧត្តមអគ្គស្នងការរងទទួលការងារប្រយុទ្ធប្រឆាំងគ្រឿងញៀន លោកបានអរគុណណាស់ ចំពោះកិច្ចសហការផ្ដល់ព័ត៌មាននេះ ។
លោកអគ្គស្នងការរងនគរបាលជាតិបន្តថា ខ្ញុំបានពិនិត្យលើបញ្ហានេះរួចហើយ រឿងដែលថា មានមន្ត្រី និងនាយករងមន្ទីរប្រឆាំងគ្រឿងញៀនខ្លះ មានបងប្អូនជាប់ពាក់ព័ន្ធបទល្មើសជួញដូរគ្រឿងញៀន ហើយខ្លះពាក់ព័ន្ធការប្រើប្រាស់គ្រឿងញៀននោះ ប៉ុន្តែសាម៉ីខ្លួនដែលថា នាយករង ឬមន្ត្រីរបស់មន្ទីរប្រឆាំងគ្រឿងញៀន មិនទាន់ឃើញមានសកម្មភាពល្មើស ឬឃុបឃិតណាមួយនៅឡើយទេ ។
លោកអគ្គស្នងការរងនគរបាលជាតិបន្តទៀតថា ខ្ញុំបានកំណត់ច្បាស់ហើយ ព្រមទាំងអប់រំណែនាំមន្ត្រីយើង មិនឲ្យមានជាប់ពាក់ព័ន្ធគ្រឿងញៀនឡើយ ! ខ្ញុំនឹងបន្តគ្រប់គ្រង ពិនិត្យ និងអនុវត្តន៍តាមវិន័យនគរបាលជាតិ តាមច្បាប់ ដោយមិនយោគយល់ឡើយ បើសិនជារកឃើញមន្ត្រីនគរបាលជាតិបម្រើការងារនៅមន្ទីរប្រឆាំងគ្រឿងញៀន ខិលខូច ឬ បានប្រព្រឹត្តិបទល្មើសនោះមែន ។
គួររំលឹកថា ៖ បែកធ្លាយនាយករងមន្ទីរប្រឆាំងញៀន២ទៅ៣នាក់ មានបងប្អូនជួញដូរគ្រឿងញៀន
ចែករំលែកព័តមាននេះ