សាលាអន្តរជាតិហ្សាម៉ាន់ ចូលរួមអបអរចំពោះជោគជ័យរបស់សិស្សានុសិស្ស តាមរយៈការផ្ដល់រង្វាន់ជាប្រាក់ឧបត្ថម្ភ និងការបញ្ចុះតម្លៃសិក្សាដល់សិស្សដែលប្រឡងបានពិន្ទុខ្ពស់។
សាលាអន្តរជាតិហ្សាម៉ាន់ បានប្រគល់រង្វាន់អាហារូបករណ៍ចំនួន១០០កន្លែង ក្នុងឱកាសកម្មវិធីប្រគល់រង្វាន់អាហារូបករណ៍ប្រចាំឆ្នាំដែលបានប្រព្រឹត្តទៅ នៅថ្ងៃអង្គារ ទី២៥ ខែកញ្ញា កន្លងទៅនេះ នៅសាកលវិទ្យាល័យហ្សាម៉ាន់ ក្នុងខណ្ឌទួលគោក រាជធានីភ្នំពេញ។
សិស្សានុសិស្សដែលជាប់អាហារូបករណ៍ គឺជាសិស្សដែលទទួលបានពិន្ទុខ្ពស់ពីការប្រឡងនានាកាលពីពេលថ្មីនេះៗ ហើយក៏ទទួលបានការកោតសរសើរពីសំណាក់លោកប្រធានគ្រប់គ្រងសាលា នៅក្នុងសារសុន្ទរកថានាឱកាសនោះផងដែរ។
លោកប្រធានគ្រប់គ្រងសាលាបានបន្តកោតសរសើរដល់បញ្ញវន្តវ័យក្មេងរបស់យើង ចំពោះសមត្ថភាពរបស់ពួកគាត់ដែលសម្រេចបានស្របតាមបេសកកម្ម និងចក្ខុវិស័យរបស់សាលា។
ក្រៅពីសិស្សនុសិស្សដែលទទួលបានប្រាក់រង្វាន់ពីសាលា យើងក៏មានសិស្សដែលត្រូវបានជ្រើសរើសដើម្បីទទួលរង្វាន់ ចំពោះភាពជោគជ័យពីការប្រឡងសិស្សពូកែថ្នាក់ជាតិកន្លងទៅនេះ រួមទាំងសិស្សដែលទទួលបានជោគជ័យពីការប្រឡងខេមប្រ៊ីជដូចជាការប្រឡង A Levels ជាដើម៕ ដោយសហការ
ចែករំលែកព័តមាននេះ