រាជធានីភ្នំពេញ ៖ ក្រុមហ៊ុនអេឡិចត្រូនិក សូនី បានប្រកាសពីការនាំចូលមកកាន់ទីផ្សារប្រទេសកម្ពុជា នូវបច្ចេកវិទ្យាទូរទស្សន៍ស៊េរីចុងក្រោយរបស់ខ្លួន ដើម្បីបំពេញសេចក្តីត្រូវការរបស់អតិថិជននៅកម្ពុជា ។ ពិធីប្រកាសពីការនាំចូលទូរទស្សន៍ស៊េរីថ្មីនេះ ត្រូវបានធ្វើឡើងនៅសណ្ឋាគារស៊ូហ្វីតែលភ្នំពេញ…
រាជធានីភ្នំពេញ ៖ ក្រុមហ៊ុនអេឡិចត្រូនិក សូនី បានប្រកាសពីការនាំចូលមកកាន់ទីផ្សារប្រទេសកម្ពុជា នូវបច្ចេកវិទ្យាទូរទស្សន៍ស៊េរីចុងក្រោយរបស់ខ្លួន ដើម្បីបំពេញសេចក្តីត្រូវការរបស់អតិថិជននៅកម្ពុជា ។ ពិធីប្រកាសពីការនាំចូលទូរទស្សន៍ស៊េរីថ្មីនេះ ត្រូវបានធ្វើឡើងនៅសណ្ឋាគារស៊ូហ្វីតែលភ្នំពេញ ភូគីត្រា កាលពីល្ងាចថ្ងៃទី ០១ តុលា ២០១៨ ។
បើតាមលោក Felix Foo អ្នកអភិវឌ្ឍន៍ផ្នែកទីផ្សារប្រចាំតំបន់នៃក្រុមហ៊ុនសូនីបានអោយដឹងថា ទូរទស្សន៍ស៊េរីថ្មី របស់ក្រុមហ៊ុនសូនី ដែលនឹងយកមកចែកចាយក្នុងប្រទេសកម្ពុជា គឺជាទូរទស្សន៍ស៊េរីចុងក្រោយរបស់ក្រុមហ៊ុនសូនី ។ ទូរទស្សន៍ ស៊េរីចុងក្រោយនេះដែរ មានគុណភាពច្បាស់ជាងមុន ទាំងរូបភាព និងសម្លេង ជាក់ស្ដែងទូរទស្សន៍នេះ មានសម្លេងរហូតដល់ ៩៨វ៉ាត់ឯណោះ ដូចនេះមានន័យវាមានសមត្ថភាពបញ្ចេញសម្លេងបានខ្លាំង ដែលបច្ចេកវិទ្យាមុនៗមិនមានឡើយ ។
លោកបន្តថា អតិថិជនដែលទិញទូរទស្សន៍ពីក្រុមហ៊ុនសូនី មិនមែនសំដៅតែលើផលិតផលទូរទស្សន៍នោះទេ តែពួកគេប្រៀបដូចជាបានទិញ ប្រែនសូនីទាំងមូលផងដែរ ពីព្រោះសូនីជាក្រុមហ៊ុនផលិតគ្រឿងអេឡិចត្រូនិកដែលល្បី និងមានកេរ្តិ៍ឈ្មោះនៅលើពិភពលោកយូរហើយ ដូចនេះ បើសិនជាផលិតផលនេះ វាមានតម្លៃខ្ពស់បន្តិចក៏ដោយ ក៏រំពឹងថា អតិថិជនកម្ពុជា នឹងនៅតែជ្រើសរើសផលិតផលនេះ ដើម្បីយកទៅប្រើប្រាស់នៅតាមគេហដ្ឋានរបស់ពួកគាត់ផងដែរ ។
លោកបន្ថែមថា សម្រាប់ផលិតផលសូនីនៅលើទីផ្សារប្រទេសកម្ពុជា អាចនិយាយបានថាស្ថិតនៅក្នុងលំដាប់ទី៣ ហើយមហិច្ឆតារបស់សូនីក៏នៅតែប្រកាន់ខ្ជាប់ជានិច្ចគឺ នឹងដំណើមចំណែកទីផ្សារអោយបានជាប់ចំណាត់ទី១ ក្នុងនោះសូនីដែលតែងតែមានការបញ្ចុះតម្លៃសម្រាប់អតិថិជននៅតាមរដូវកាលពិសេសៗ ដូចជារដូវភ្ជុំបិណ្ឌ ចូលឆ្នាំខ្មែរ និងឱកាសពិសេសៗផ្សេងៗទៀត ។
លោក តាំង សុធារឹទ្ធ តំណាងក្រុមហ៊ុនស៊ុនស៊ីមិចកូ ដែលជាដៃគូរចែកចាយរបស់ផលិតផលសូនី ប្រចាំកម្ពុជាមួយផងដែរនោះ បានអោយដឹងថា ក្រុមហ៊ុនស៊ុនស៊ីមិចកូ ជាក្រុមហ៊ុនដំបូងបាននាំយកផលិតផលសូនីមកលក់នៅកម្ពុជា តាំងពីសាខាតែ១ រហូតដល់ពង្រីកខ្លួនបាន១៧សាខាក្នុងពេលបច្ចុប្បន្ន ក្នុងនោះ ១២សាខានៅភ្នំពេញនិង៥សាខាទៀតនៅតាមបណ្ដាខេត្ត ។
លោកបន្តថា នៅក្នុងឱកាសពិធីប្រកាសនាំចូលទូរទស្សន៍ស៊េរីថ្មីចុងក្រោយរបស់សូនី ក្រុមហ៊ុននឹងលក់បញ្ចុះតម្លៃពិសេសសម្រាប់បងប្អូនដែលបានអញ្ជើញចូលរួមផ្ទាល់នៅក្នុងពិធីប្រកាសនោះ ជាពិសេសបងប្អូនណាដែលមានថ្ងៃខួបកំណើតនៅថ្ងៃប្រកាសនាំចូលនោះផងដែរ៕ ដោយសហការ
ចែករំលែកព័តមាននេះ