ខេត្តកណ្តាល ៖ សពបុរសម្នាក់ត្រូវបានប្រជាពលរដ្ឋប្រទះឃើញអណ្តែតទឹក រួចរាយការណ៍ទៅសមត្ថកិច្ច ដើម្បីឱ្យចុះមកពិនិត្យ ។ ហេតុការណ៍នេះបានកើតឡើងកាលពីវេលាម៉ោង៩និង៣០នាទីថ្ងៃទី២ ខែតុលា ឆ្នាំ២០១៨ នៅចំណុចក្នុងទឹកទន្លេបាសាក់…
ខេត្តកណ្តាល ៖ សពបុរសម្នាក់ត្រូវបានប្រជាពលរដ្ឋប្រទះឃើញអណ្តែតទឹក រួចរាយការណ៍ទៅសមត្ថកិច្ច ដើម្បីឱ្យចុះមកពិនិត្យ ។ ហេតុការណ៍នេះបានកើតឡើងកាលពីវេលាម៉ោង៩និង៣០នាទីថ្ងៃទី២ ខែតុលា ឆ្នាំ២០១៨ នៅចំណុចក្នុងទឹកទន្លេបាសាក់ ស្ថិតក្នុងភូមិក្បាលកោះ ឃុំកោះអន្លង់ចិន ស្រុកស្អាង ខេត្តកណ្តាល ។
ជនរងគ្រោះមិនស្គាល់អត្តសញ្ញាណ ភេទប្រុស អាយុប្រហែល៣៥ឆ្នាំ ស្លៀកខោជើងខ្លីពណ៌គគីរ ស្លៀកខោក្នុងពណ៌ខ្មៅ ពាក់អាវយឺតដៃវែងបង្កង់ខ្មៅស សម្បុរខ្មៅស្រអែម កំពស់១.៧០ ម៉ែត្រ សក់កាត់ខ្លី ។
នគរបាលបានបញ្ជាក់ថា នៅថ្ងៃកើតហេតុខាងលើមានប្រជាពលរដ្នបានរាយការណ៍មកនគរបាលប៉ុស្តិ៍កោះអន្លង់ចិនថា បានប្រទះឃើញសពបុរសម្នាក់អណ្តែតទើនៅមាត់ច្រាំងទន្លេ ភូមិក្បាលកោះ។
ក្រោយទទួលបានព័ត៌មានខាងលើភ្លាម កំលាំងនគរបាលបុស្តិ៍បានចុះមកដល់កន្លែងកើតហេតុ និងឃើញមានសាកសពអណ្តែតទឹកប្រាកដមែន ។
ក្រោយពីជំនាញពិនិត្យហេតុស្រុក សហការជាមួយប៉ុស្តិ៍ ក្រុមប្រឹក្សាឃុំ ពេទ្យឃុំ មេភូមិក្បាលកោះ បានចុះពិនិត្យសាកសពរួចរកឃើញថា ជនរងគ្រោះពុំមានស្លាកស្នាមអ្វីគួរអោយកត់ សំគាល់ឡើយ គឺជនរងគ្រោះពិតជាស្លាប់ដោយសារលង់ទឹកប្រាកដមែន ។
ក្រោយពិនិត្យរួច សពត្រូវបានប្រគល់ឲ្យអាជ្ញាធរឃុំកោះអន្លង់ចិនចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ