រាជធានីភ្នំពេញ ៖ លោកថោង ខុន រដ្ឋមន្ត្រីក្រសួងទេសចរណ៍ នាថ្មីៗនេះបានចេញសេចក្តីណែនាំមួយ ដោយដាក់ចេញផែនការផ្តោតសំខាន់៦ចំណុច ដើម្បីជំរុញ និងលើកកម្ពស់ទេសចរណ៍ម្ហូបអាហារកម្ពុជា ឆ្នាំ២០១៩-២០២៣ ។
ផែនការទាំង៦ចំណុចនោះរួមមានដូចជាទី១- ការអភិវឌ្ឍគោលដៅផលិតផលទេសចរណ៍ម្ហូបអាហារ ទី២- ស្តង់ដាគុណភាពសេវាកម្មម្ហូបអាហារទេសចរណ៍ ទី៣- ការផ្សព្វផ្សាយ ទី៤- ចលនាប្រឡងប្រណាំង ទី៥- ពិព័រណ៍ម្ហូបអាហារ និងទី៦- ការរៀបចំសណ្តាប់ធ្នាប់តូបលក់អាហារនៅតាមដងផ្លូវ street food ។
សូមបញ្ជាក់ថា វិស័យម្ហូបអាហារ គឺជាផលិតផលទេសចរណ៍មួយដ៏ទាក់ទាញ និងជាសក្តានុពលទេសចរណ៍សម្រាប់វិស័យទេសចរណ៍កម្ពុជា នឹងគាំទ្រដល់ការសម្រេចបានតាមចក្ខុវិស័យទាក់ទាញទេសចរណ៍ឱ្យបាន១០លាននាក់ នៅឆ្នាំ២០២៥ និង១៥លាននាក់ នៅឆ្នាំ២០៣០ ៕
ចែករំលែកព័តមាននេះ