ប្រទេសអង់គ្លេស ៖ នាយករដ្ឋមន្ត្រីអង់គ្លេសលោកស្រី THERESA MAY ប្រកាសនាថ្ងៃទី២ តុលា ពីបណ្ដាបែបបទថ្មីខាងអន្តោប្រវេសន៍នៅចក្រភពអង់គ្លេ្លស ដែលនឹងចូលជាធរមានក្រោយប្រទេសលោកស្រីចាកចេញពីសហភាពអឺរ៉ុប ហើយនឹងផ្ដល់អាទិភាពចំពោះបណ្ដាពលករមានគុណភាព…
ប្រទេសអង់គ្លេស ៖ នាយករដ្ឋមន្ត្រីអង់គ្លេសលោកស្រី THERESA MAY ប្រកាសនាថ្ងៃទី២ តុលា ពីបណ្ដាបែបបទថ្មីខាងអន្តោប្រវេសន៍នៅចក្រភពអង់គ្លេ្លស ដែលនឹងចូលជាធរមានក្រោយប្រទេសលោកស្រីចាកចេញពីសហភាពអឺរ៉ុប ហើយនឹងផ្ដល់អាទិភាពចំពោះបណ្ដាពលករមានគុណភាព ដោយលុបបំបាត់ចោលការធ្វើចរាចរណ៍ដោយសេរីរបស់បណ្ដាពលរដ្ឋអឺរ៉ុប។
ក្នុងសេចក្ដីប្រកាសមួយប្រមុខរដ្ឋាភិបាលអង់គ្លេសថ្លែងថា ពេលយើងចាកចេញពីសហភាពអឺរ៉ុប នោះយើងនឹងបង្កើតប្រព័ន្ធអន្តោប្រវេសន៍មួយដែលបញ្ចប់ការធ្វើចរាចរណ៍ដោយសេរីរបស់បណ្ដាពលរដ្ឋអឺរ៉ុបក្នុងប្រទេសអង់គ្លេស។ នោះនឹងជាប្រព័ន្ធមួយផ្អែកលើសមត្ថភាពរបស់បណ្ដាពលករ រួចពុំមែនផ្អែកលើប្រភពរបស់ពួកគេឡើយ។
លោកស្រីបន្តថា ប្រព័ន្ធថ្មីនោះអាចកាត់បន្ថយការធ្វើអន្តោប្រវេសន៍របស់បណ្ដាមនុស្សមានគុណភាពតិច។
ពលរដ្ឋនៃបណ្ដាប្រទេសជាសមាជិកសហភាពអឺរ៉ុប បច្ចុប្បន្នអាចមករស់នៅនិងធ្វើការងារដោយសេរីនៅអង់គ្លេស តែសភាពការណ៍នេះត្រូវបញ្ចប់ក្រោយដំណាក់កាលឆ្លងកាត់ បន្ទាប់ពីអង់គ្លេសចាកចេញពីសហភាពអឺរ៉ុបហៅ BREXIT នាខែធ្នូឆ្នាំ២០២០ ក្នុងករណីមានកិច្ចព្រមព្រៀងរវាងក្រុងឡុងដ៍ និងក្រុងព្រុចសែល លើបណ្ដាលក្ខខណ្ឌនៃការចាកចេញរបស់អង់គ្លេសពីសហភាពអឺរ៉ុប៕
ចែករំលែកព័តមាននេះ