ទីក្រុងវ៉ាស៊ីនតោន ៖ សារព័ត៌មានមួយបានរាយការណ៍មកថា ចំនួនភ្ញៀវទេសចរជនជាតិចិនដែលធ្វើដំណើរទៅកាន់សហរដ្ឋអាមេរិកក្នុងអំឡុងពេលបុណ្យជាតិបានធ្លាក់ចុះ។ សេចក្តីរាយការណ៍នេះបានឲ្យដឹងថា ការកក់សំបុត្រយន្តហោះដោយជនជាតិចិនទៅកាន់សហរដ្ឋអាមេរិកបានធ្លាក់ចុះ៤២%ឯណោះ បើធៀបនឹងឆ្នាំមុនសម្រាប់អំឡុងពេលបុណ្យជាតិនៅដើមសប្តាហ៍នេះ ។ យោងតាមទិន្នន័យដែលបានពីគេហទំព័រ Sykscanner…
ទីក្រុងវ៉ាស៊ីនតោន ៖ សារព័ត៌មានមួយបានរាយការណ៍មកថា ចំនួនភ្ញៀវទេសចរជនជាតិចិនដែលធ្វើដំណើរទៅកាន់សហរដ្ឋអាមេរិកក្នុងអំឡុងពេលបុណ្យជាតិបានធ្លាក់ចុះ។
សេចក្តីរាយការណ៍នេះបានឲ្យដឹងថា ការកក់សំបុត្រយន្តហោះដោយជនជាតិចិនទៅកាន់សហរដ្ឋអាមេរិកបានធ្លាក់ចុះ៤២%ឯណោះ បើធៀបនឹងឆ្នាំមុនសម្រាប់អំឡុងពេលបុណ្យជាតិនៅដើមសប្តាហ៍នេះ ។
យោងតាមទិន្នន័យដែលបានពីគេហទំព័រ Sykscanner បានឲ្យដឹងទៀតថា កាលពី៣ត្រីមាសកន្លងមកនេះ ចំនួនសំបុត្រយន្តហោះដែលត្រូវបានកក់ដោយជនជាតិចិនទៅកាន់សហរដ្ឋអាមេរិកក៏បានធ្លាក់ចុះ១៦,៧%ផងដែរ ។
ទិន្នន័យពីរដ្ឋាភិបាលបានឲ្យដឹងទៀតថា អ្នកដំណើរជនជាតិចិនបានចំណាយច្រើន ដែលជួយដល់សហរដ្ឋអាមេរិកឲ្យរកប្រាក់ចំណូលពីការលក់ ការស្នាក់នៅ ធ្វើដំណើរ និងការអប់រំបានប្រមាណ៣៤,៨ប៊ីលានដុល្លារនៅឆ្នាំ២០១៦ ។
ចំនួនភ្ញៀវទេសចរពីប្រទេសចិនទៅកាន់សហរដ្ឋអាមេរិកបានធ្លាក់ចុះជិត៥%ទៅហើយមកដល់ពេលបច្ចុប្បន្ននេះ ហើយការកក់ប្រចាំសប្តាហ៍ ក៏កំពុងតែចាប់ផ្តើមធ្លាក់ចុះដែរ ។
ជាមួយគ្នានេះផងដែរ ចំនួនសំបុត្រយន្តហោះដែលបានកក់ពីប្រទេសចិនទៅកាន់សហរដ្ឋអាមេរិកបានធ្លាក់ចុះ៨,៤% នៅខែសីហា កន្លងមក ។
យ៉ាងណាក្តី យោងតាមការសិក្សារបស់ ForwardKeys បានឲ្យដឹងទៀតថា ការធ្វើដំណើរទៅក្រៅប្រទេសរបស់ជនជាតិចិនបន្តមានភាពរឹងមាំ និងកើនឡើងបាន៥,៥% បើធៀបនឹងឆ្នាំ២០១៧ ៕
ចែករំលែកព័តមាននេះ