ខេត្តព្រះសីហនុ ៖ ជនសង្ស័យចំនួន០៨នាក់ ពាក់ព័ន្ធករណីលួចមានស្ថានទម្ងន់ទោស« ឆក់»ទ្រព្យសម្បត្តិភ្ញៀវទេសចរ ត្រូវបាននគរបាលឃាត់ខ្លួនបញ្ជូនទៅសាលាដំបូងផ្តន្ទាទោសតាមនីតិវិធីច្បាប់ ។ លោកឧត្តមសេនីយ៍ទោជួន ណារិន្ទ ស្នងការនគរបាលខេត្តព្រះសីហនុបញ្ជាក់ថា…
ខេត្តព្រះសីហនុ ៖ ជនសង្ស័យចំនួន០៨នាក់ ពាក់ព័ន្ធករណីលួចមានស្ថានទម្ងន់ទោស« ឆក់»ទ្រព្យសម្បត្តិភ្ញៀវទេសចរ ត្រូវបាននគរបាលឃាត់ខ្លួនបញ្ជូនទៅសាលាដំបូងផ្តន្ទាទោសតាមនីតិវិធីច្បាប់ ។
លោកឧត្តមសេនីយ៍ទោជួន ណារិន្ទ ស្នងការនគរបាលខេត្តព្រះសីហនុបញ្ជាក់ថា កាលពីវេលាម៉ោង២០និង៣០នាទី ថ្ងៃទី២៨ ខែកញ្ញា ឆ្នាំ២០១៨ នៅចំណុចមុខកាស៊ីណូវិមានខ្សាច់ស ស្ថិតនៅក្រុមទី១៧ ភូមិ៤ សង្កាត់៤ ក្រុង-ខេត្តព្រះសីហនុ មានអំពើលួចមានស្ថានទម្ងន់ទោស (ឆក់កាបូបជនជាតិចិន) មួយករណីបង្កឡើងដោយជនសង្ស័យ០២នាក់ ជិះម៉ូតូ០១គ្រឿងបានធ្វើសកម្មភាពឆក់កាបូបរបស់ជនជាតិចិន ដែលកំពុងដើរតាមផ្លូវនៅចំណុចមុខកាស៊ីណូវិមានខ្សាច់ស រួចជិះរត់គេចខ្លួនបាត់ ។ បន្ទាប់ពីបានទទួលបណ្តឹងរបស់ជនរងគ្រោះកម្លាំងជំនាញផែននគរបាលព្រហ្មទណ្ឌសហការជាមួយកម្លាំងនគរបាលមូលដ្ឋាន បើកការស្រាវជ្រាវរហូតឈានទៅធ្វើការឃាត់ខ្លួនបានជនសង្ស័យ និងបក្ខពួកចំនួន០៨នាក់បន្ថែមទៀត នៅវេលាម៉ោង២និង៣០នាទីយប់រំលងអធ្រាត្រឆ្លងថ្ងៃទី២៩ ខែតុលា ឆ្នាំ២០១៨ ។
លោក ស៊ុត សំអុន បានបន្តឲ្យដឹងថា ជនរងគ្រោះឈ្មោះ WANG TAO ភេទប្រុស អាយុ៣៦ឆ្នាំ ជនជាតិចិន មុខរបរទេសចរ កាន់លិខិតឆ្លងដែនលេខ EE០៥០២៥៩០ ស្នាក់នៅក្រុមទី១៧ ភូមិ៤ សង្កាត់៤ ក្រុង-ខេត្តព្រះសីហនុ ។ ជនសង្ស័យ០៨នាក់ដែលសមត្ថកិច្ចឃាត់ខ្លួនមានឈ្មោះដូចខាងក្រោមនេះទី ១- ឈ្មោះ ឯក មាន ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ(អ្នកបើកម៉ូតូ) ។ ទី២-ឈ្មោះ ស៊ុត គឹមស្រេង ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិ៣ សង្កាត់៣ ក្រុង-ខេត្តព្រះសីហនុ (អ្នកឆក់) ។៣ – ឈ្មោះ យាន ច័ន្ទរក្សា ភេទប្រុស អាយុ១៧ឆ្នាំ មុខរបរមិនពិតប្រាកដ មានទីលំនៅភូមិ៣ សង្កាត់៤ ក្រុង-ខេត្តព្រះសីហនុ (បក្ខពួកសមគំនិត) ។ ៤- ឈ្មោះ ចែម ភារម្យ ភេទប្រុស អាយុ១៦ឆ្នាំ មុខរបរកម្មករសំណង់ មានទីលំនៅ ភូមិ១ សង្កាត់៣ ក្រុង-ខេត្តព្រះសីហនុ (បក្ខពួកសមគំនិត ) ។ ៥- ឈ្មោះ ដាវ វិចិត្រ ភេទប្រុស អាយុ ១៦ឆ្នាំ មុខរបរមិនពិតប្រាកដ មានទីលំនៅភូមិ១ សង្កាត់៣ ក្រុង-ខេត្តព្រះសីហនុ (បក្ខពួកសមគំនិត) ។៦- ឈ្មោះ សេង សំណាង ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅក្រុម១៦ ភូមិ៣ សង្កាត់១ ក្រុង-ខេត្តព្រះសីហនុ (បក្ខពួកសមគំនិត) ។៧- ឈ្មោះ ស៊ូ ង៉ែត ភេទប្រុស អាយុ១៩ឆ្នាំ មុខរបរសន្តិសុខយាមកន្ទុយនាគ មានទីលំនៅក្រុម១៤ ភូមិ៤ សង្កាត់៤ ក្រុង-ខេត្តព្រះសីហនុ (បក្ខពួកសមគំនិត ) ។ ៨- ឈ្មោះ លី សេង ភេទប្រុស អាយុ ១៧ឆ្នាំ មុខរបរមិនពិតប្រាកដ មានទីលំនៅភូមិ០៣ សង្កាត់០១ ក្រុង-ខេត្តព្រះសីហនុ (បក្ខពួកសមគំនិត) ។
លោកស៊ុត សំអុន បានបញ្ជាក់ជាចុងក្រោយថា នៅពេលសមត្ថកិច្ចនគរបាលឃាត់ខ្លួនក្រុមយុវជនខាងលើសមត្ថកិច្ចដកហូតបានវត្ថុតាងដូចជា កាបូប០១ កាក់កាដូរប្រាក់ កាស៊ីណូ ចំនួន០៤ ។ទូរស័ព្ទដៃ០១គ្រឿង ម៉ាក HUAWEI ពណ៌ខ្មៅ ។ កាតធនាគារ ០១ ទូរស័ព្ទដៃ០១គ្រឿង ម៉ាក IPHONE 5 ពណ៌ខ្មៅមួយគ្រឿង និងទូរស័ព្ទដៃម៉ាកអិនចុចពិល០១គ្រឿង ពណ៌ផ្ទៃមេឃ ។ ម៉ូតូ០១គ្រឿង ម៉ាកហុងដា WINNER ពណ៌ស-ខៀវ គ្មានស្លាកលេខ (មធ្យោបាយធ្វើសកម្មភាព )។
បច្ចុប្បន្នក្រុមយុវជនសង្ស័យខាងលើ ការិយាល័យនគរបាលជំនាញព្រហ្មទណ្ឌ កម្រិតស្រាល កសាងសំណុំរឿងបញ្ជូនទៅសាលាដំបូងខេត្តព្រះសីហនុនៅរសៀលថ្ងៃទី០២ ខែតុលា ឆ្នាំ២០១៨ ដើម្បីផ្តន្ទាទោសទៅតាមនិតិវីធីច្បាប់ ៕
លោកវរសេនីយ៍ ឯកស៊ុត សំអុន បានបញ្ជាក់ឲ្យដឹងទៀតថា នៅក្នុងរយៈពេល០២ថ្ងៃ គឺថ្ងៃទី២៨ ,២៩ ខែកញ្ញា ឆ្នាំ២០១៨ កម្លាំងនគរបាលការិយាល័យព្រហ្មទណ្ឌកម្រិតស្រាលនៃស្នងការរដ្ឋាននគរបាលខេត្តព្រះសីហនុ បង្ក្រាបបានក្រុមបក្សពួកយុវជនដែលធ្វើសកម្មភាពឆក់ទ្រព្យសម្បត្តិភ្ញៀវទេសចរបានចំនួន១០នាក់ និងបានកសាងសំណុំរឿងបញ្ជូនទៅសាលាដំបូងចាត់ការទៅតាមនីតិវិធីច្បាប់ ៕
ចែករំលែកព័តមាននេះ