អង្គការអន្តរជាតិធំៗស្នើឱ្យមានការធ្វើសមាហរណកម្មបន្ថែម
ទីក្រុងវ៉ាស៊ីនតោន ៖ កាលពីថ្ងៃអាទិត្យកន្លងមក មូលនិធិរូបិយវត្ថុអន្តរជាតិ (IMF), ធនាគារពិភពលោក (World Bank) និងអង្គការពាណិជ្ជកម្មពិភពលោក (WTO)…
ទីក្រុងវ៉ាស៊ីនតោន ៖ កាលពីថ្ងៃអាទិត្យកន្លងមក មូលនិធិរូបិយវត្ថុអន្តរជាតិ (IMF), ធនាគារពិភពលោក (World Bank) និងអង្គការពាណិជ្ជកម្មពិភពលោក (WTO)…
ទីក្រុងវ៉ាស៊ីនតោន ៖ កាលពីថ្ងៃអាទិត្យកន្លងមក មូលនិធិរូបិយវត្ថុអន្តរជាតិ (IMF), ធនាគារពិភពលោក (World Bank) និងអង្គការពាណិជ្ជកម្មពិភពលោក (WTO) បានស្នើឲ្យមានការធ្វើសមាហរណកម្មពាណិជ្ជកម្មបន្ថែមដើម្បីលើកកម្ពស់ប្រព័ន្ធពាណិជ្ជកម្មពហុភាគីសាជាថ្មី និងដើម្បីដើរតាមការផ្លាស់ប្តូរក្នុងសេដ្ឋកិច្ចពិភពលោក ។
អង្គការអន្តរជាតិធំៗទាំងបីបាននិយាយក្នុងរបាយការណ៍រួមមួយថា ការបើកទូលាយការធ្វើពាណិជ្ជកម្មបន្ទាប់ពីសង្គ្រាមលោកលើកទី២រហូតមកដល់ឆ្នាំ២០០០ បានបង្កើនស្តង់ដានៃការរស់នៅ និងកាត់បន្ថយភាពក្រីក្រ ប៉ុន្តែវានៅមិនទាន់គ្រប់គ្រាន់នៅឡើយ ។
របាយការណ៍នេះបានឲ្យដឹងទៀតថា ឱកាសដែលផ្តល់ឲ្យដោយបច្ចេកវិទ្យាព័ត៌មាន និងការផ្លាស់ប្តូរសំខាន់ៗដទៃក្នុងសេដ្ឋកិច្ចពិភពលោកនៅមិនទាន់បង្ហាញឲ្យឃើញតាមគោលនយោបាយពាណិជ្ជកម្ម ដូចជា សេវាកម្ម និងការធ្វើពាណិជ្ជកម្មលើប្រព័ន្ធអេឡិចត្រូនិកទេ ។ ការបើកទូលាយផ្នែកទាំងនេះ នឹងលើកកម្ពស់ការប្រកួតប្រជែង បង្កើនប្រសិទ្ធភាព និងបង្កើនស្តង់ដានៃការរស់នៅទៀតផង ។
ជាមួយគ្នានេះផងដែរ ការធ្វើពាណិជ្ជកម្មអាចជាកត្តាដ៏ខ្លាំងមួយសម្រាប់ការលូតលាស់ក្នុងផ្នែកជាច្រើនដូចជាសេដ្ឋកិច្ចជនបទ សហគ្រាសធុនតូច និងការលើកកម្ពស់ផ្នែកសេដ្ឋកិច្ចសម្រាប់ស្ត្រីជាដើម ។
របាយការណ៍ខាងលើបានលើកឡើងពីតួនាទីសំខាន់ៗរបស់ប្រព័ន្ធពាណិជ្ជកម្មពហុភាគី និងបានបន្ថែមថា កិច្ចសហប្រតិបត្តិការពាណិជ្ជកម្មពហុភាគីកាន់តែមានសារសំខាន់ក្នុងសេដ្ឋកិច្ចពិភពលោកបច្ចុប្បន្ន ។
មានបញ្ហាពាណិជ្ជកម្មសំខាន់ៗជាច្រើនដូចជា E-commerce មានទ្រង់ទ្រាយធំ និងអាចតាមដានបានដោយ WTOតែមួយគត់ ។ យ៉ាងណាក្តី ទ្រង់ទ្រាយនៃការផ្តោត និងសមាជិករបស់WTOក៏អាចបង្កជាឧបសគ្គក្នុងការបន្តការធ្វើកំណែទម្រង់ការធ្វើពាណិជ្ជកម្មពហុភាគីដែរ ៕
ចែករំលែកព័តមាននេះ