ខេត្តក្រចេះ ៖ ពលរដ្ឋជនជាតិខ្មែរប្រុសស្រីក្មេងចាស់ចំនួន២៤នាក់ សុទ្ធសឹងតែរស់នៅ ក្បែរតំបន់ព្រំដែនវៀតណាមត្រូវបានអាជ្ញារធរវៀតណាមចាត់បញ្ជូនមកទឹកដីកម្ពុជាវិញ ក្រោយពីអាជ្ញាធរវៀតណាមរកឃើញថា ពលរដ្ឋទាំងនោះបានរំលោភបទបញ្ញត្តិព្រំដែនដោយ លួចចូលក្នុងទឹកដីវៀតណាមដោយខុសច្បាប់ ។ នគរបាលវរៈការពារព្រំដែនបានឲ្យដឹងថា…
ខេត្តក្រចេះ ៖ ពលរដ្ឋជនជាតិខ្មែរប្រុសស្រីក្មេងចាស់ចំនួន២៤នាក់ សុទ្ធសឹងតែរស់នៅ ក្បែរតំបន់ព្រំដែនវៀតណាមត្រូវបានអាជ្ញារធរវៀតណាមចាត់បញ្ជូនមកទឹកដីកម្ពុជាវិញ ក្រោយពីអាជ្ញាធរវៀតណាមរកឃើញថា ពលរដ្ឋទាំងនោះបានរំលោភបទបញ្ញត្តិព្រំដែនដោយ លួចចូលក្នុងទឹកដីវៀតណាមដោយខុសច្បាប់ ។
នគរបាលវរៈការពារព្រំដែនបានឲ្យដឹងថា ពលរដ្ឋខ្មែរទាំង២៤នាក់ គឺសុទ្ធសឹងតែរស់នៅ តាមភូមិមួយចំនួនក្នុងឃុំ២ ធ្នូ ក្បែរ និងតំបន់ព្រំដែនប្រទេសវៀតណាម ។ ហើយពលរដ្ឋទាំងនេះត្រូវបានខាងភាគីវៀតណាមចាត់បញ្ជូនមកវិញ តាមច្រកព្រំដែនអន្តរជាតិនៅថ្ងៃទី០២ តុលា បន្ទាប់ពីពួកគាត់បាននាំគ្នាលួចឆ្លងដែនចូលទៅក្នុងព្រះវិហារយាស៊ូគ្រឹះក្នុងទឹកដីវៀតណាម ចម្ងាយជាង៦គីឡូមែត្រពីព្រំដែនកម្ពុជា ដើម្បីទៅទទួលអំណោយនៅ ព្រះវិហារគ្រឹះសាសនាមួយនោះ ។
នាយប៉ុស្តិ៍នគរបាលការពារព្រំដែនត្រពាំងស្រែលោកអនុសេនីយ៍ឯក ឃុន ម៉ន បាន ប្រាប់ឲ្យដឹងថា ក្រោយពីមានការលួចចូលដោយខុសច្បាប់ ពលរដ្ឋខ្មែរទាំងនោះត្រូវបានអាជ្ញា ធរវៀតណាមចាត់បញ្ជូនមកវិញភ្លាមៗ ។ លោកថា កន្លងមកពលរដ្ឋដែលរស់នៅតាមភូមិក្បែរ ព្រំដែនក្នុងឃុំ២ធ្នូ គឺតែងតែមានការទំនាក់ទំនងជាមួយពលរដ្ឋក្បែព្រំដែនខាងភាគីវៀតណាម និងបានចេញចូលតាមច្រករបៀងផ្សេងៗ ។
លោកអនុសេនីយ៍ឯក ឃុន ម៉ន បានឲ្យដឹងទៀតថា ពលរដ្ឋទាំងនេះត្រូវបានអាជ្ញាធរ វៀតណាមបានចាត់បញ្ជូនពីរលើកមកហើយ ក្រោយពីពួកគាត់បានព្យាយាមនាំគ្នាលួចចូល ទៅព្រះវិហារយាស៊ូគ្រឹះក្នុងទឹកដីប្រទេសវៀតណាម ។
លោកអះអាងថា នគរបាល និងរៀបចំបើកវេទិកាសាធារណៈមួយអញ្ជើញពលរដ្ឋនៅ តាមព្រំដែនមកចូលរួម ដើម្បីផ្សព្វផ្សាយបទបញ្ញត្តិព្រំដែន ដើម្បីកុំឲ្យពួកគាត់ចូលក្នុងទឹកដី ប្រទេសគេដោយខុសច្បាប់បែបនេះទៀត ៕
ចែករំលែកព័តមាននេះ