រាជធានីភ្នំពេញ ៖ នារីវ័យក្មេងម្នាក់សង្ស័យមានវិបត្តិស្នេហា ឬវិបត្តិគ្រួសារ បានជិះម៉ូតូហុងដាឃ្លីកមួយគ្រឿង ពណ៌លឿង ទៅលោតទឹកពីលើស្ពានព្រះមុនីវង្សថ្មីបាត់ស្រមោលតែម្តង កាលពីវេលាម៉ោង២និង៣៥នាទីរំលងអធ្រាត្រឈានចូលថ្ងៃទី១ ខែតុលា ស្ថិតក្នុងសង្កាត់ច្បារអំពៅទី១…
រាជធានីភ្នំពេញ ៖ នារីវ័យក្មេងម្នាក់សង្ស័យមានវិបត្តិស្នេហា ឬវិបត្តិគ្រួសារ បានជិះម៉ូតូហុងដាឃ្លីកមួយគ្រឿង ពណ៌លឿង ទៅលោតទឹកពីលើស្ពានព្រះមុនីវង្សថ្មីបាត់ស្រមោលតែម្តង កាលពីវេលាម៉ោង២និង៣៥នាទីរំលងអធ្រាត្រឈានចូលថ្ងៃទី១ ខែតុលា ស្ថិតក្នុងសង្កាត់ច្បារអំពៅទី១ ខណ្ឌច្បារអំពៅ ។
តាមអ្នកឃើញហេតុការណ៍និយាយថា នាវេលារំលងអធ្រាត្រនោះ ខណៈពួកគាត់ជិះម៉ូតូឆ្លង
កាត់តាមស្ពានព្រះមុនីវង្សថ្មីនេះដល់ពាក់កណ្ដាលស្ពាន ស្រាប់តែឃើញនារីម្នាក់អាយុប្រហែលជាង២០ឆ្នាំ ជិះម៉ូតូហុងដាឃ្លីក ពណ៌លឿង ពាក់ផ្លាកលេខ ភ្នំពេញ ១AG-៩២៨៦ មកឈប់នៅលើស្ពាន រួចហើយចុះពីម៉ូតូលោតចុះទឹកតែម្តង ។
បន្តិចក្រោយមក ដំណឹងនេះបានឮដល់សមត្ថកិច្ចមូលដ្ឋានបានចុះទៅដល់ រកឃើញស្បែកជើងស្រី្តមួយគូ ថ្នាំពេទ្យចំនួន២ប្រអប់មានចំនួន១០បន្ទះ និងម៉ូតូមួយគ្រឿងខាងលើ រួចយកទៅរក្សាទុកនៅប៉ុស្តិ៍នគរបាលច្បារអំពៅទី១ ដើម្បីស្វែងរកសាច់ញាតិបងប្អូន មកទទួលយកទៅវិញ ។
ខណៈសមត្ថកិច្ចយកម៉ូតូទៅរក្សាទុកបានប្រមាណ២០នាទី ស្រាប់តែមានស្ត្រី២នាក់ជិះម៉ូតូស្គូពីមួយគ្រឿងទៅកន្លែងកើតហេតុ ហើយសាកសួរថា តើមានឃើញនារីម្នាក់ជិះម៉ូតូហុងដាឃ្លីក ពណ៌លឿង មកកន្លែងនេះអត់?
ពេលនោះដែរ អ្នកយកព័ត៌មានបានបង្ហាញរូបភាពម៉ូតូ និងផ្លាកលេខឱ្យស្ត្រីទាំង២នាក់នោះមើល និងដឹងថាពិតជាម៉ូតូរបស់ប្អូនគាត់ប្រាកដហើយ ក៏នាំគ្នាជិះម៉ូតូចេញទៅបាត់ទៅ ដោយមិនបានប្រាប់ថាមានរឿងអ្វីនោះទេ ។
ជុំវិញករណីនេះ អ្នកឃើញហេតុការណ៍ ក៏ដូចជាសមត្ថកិច្ចសង្ស័យថា នារីវ័យក្មេងខាងលើមានវិបត្តិស្នេហាឬវិបត្តិគ្រួសារ ទើបសម្រេចបញ្ចប់ជីវិតដោយការលោតទឹកសម្លាប់ខ្លួនបែបនេះ ៕
ចែករំលែកព័តមាននេះ