ខេត្តកំពត ៖ សេចក្តីរាយការណ៍ព័ត៌មានមួយឲ្យដឹងថា កាលវេលាម៉ោង៣និង៤៥នាទីទៀបភ្លឺថ្ងៃទី៣០ ខែកញ្ញា ប៉ុស្តិ៍នគរបាលរដ្ឋបាលក្រាំងស្នាយ ស្រុកឈូក បានទទួលបណ្ដឹងតាមទូរស័ព្ទពីអ្នកភូមិតូច ឃុំក្រាំងស្នាយឈ្មោះ យិ…
ខេត្តកំពត ៖ សេចក្តីរាយការណ៍ព័ត៌មានមួយឲ្យដឹងថា កាលវេលាម៉ោង៣និង៤៥នាទីទៀបភ្លឺថ្ងៃទី៣០ ខែកញ្ញា ប៉ុស្តិ៍នគរបាលរដ្ឋបាលក្រាំងស្នាយ ស្រុកឈូក បានទទួលបណ្ដឹងតាមទូរស័ព្ទពីអ្នកភូមិតូច ឃុំក្រាំងស្នាយឈ្មោះ យិ ដារ៉ា ភេទប្រុស អាយុ២៩ឆ្នាំ ប្តឹងថាមានចោរចូលលួចមាន់ផ្ទះរបស់គាត់អស់ហើយ ។
ក្រោយពីទទួលបានបណ្ដឹងនេះ កម្លាំងនគរបាលប៉ុស្តិ៍បានចុះទៅអន្តរាគមន៍ និងឃាត់ខ្លួនបានជនសង្ស័យម្នាក់ឈ្មោះ ឆឹង ណាន់ ភេទប្រុស អាយុ៣៩ឆ្នាំ ទីលំនៅនិងមុខរបរមិនពិតប្រាកដ ដែលកំពុងយួរមាន់ចំនួន១២ក្បាល ដើរកាត់វាលស្រែបម្រុងគេចខ្លួនកុំឲ្យអ្នកភូមិឃើញ ។
នៅពេលឃាត់ខ្លួនជនសង្ស័យឈ្មោះ ឆឹង ណាន់ ទើបដឹងថា ជននេះជាមុខសញ្ញាចាស់ ធ្លាប់ចាប់បញ្ជូនទៅដាក់ពន្ធនាគារចំនួន៣លើករួចមកហើយពីបទលួចគោ លួចម៉ូតូ និងមាន់ ។
សមត្ថកិច្ចបញ្ជាក់ថា ជនសង្ស័យទើបនឹងចេញពីពន្ធនាគារបាន១១ថ្ងៃ ហើយបន្តធ្វើសកម្ម
ភាពទៀត ពោលគឺមិនរាងចាលសោះ ។ ជនសង្ស័យម្នាក់នេះជាប់គុកព្រោះតែលួចមាន់ ចេញពីគុកមកវិញនៅតែយកជំនាញពិសេសរបស់ខ្លួនមកប្រើលួចមាន់ទៀត ដូច្នោះត្រូវចាប់បញ្ចូលគុកវិញ ព្រោះតែមានឯកទេសខាងលួច ៕
ចែករំលែកព័តមាននេះ