ខេត្តកំពង់ធំ ៖ ក្មេងប្រុសពីរនាក់លង់ទឹកស្រះស្លាប់យ៉ាងអាណោចអាធម៌ហេតុការក្មេងប្រុសពីរនាក់លង់ទឹកស្រះស្លាប់បានបង្កឲ្យមានការភ្ញាក់ផ្អើល កាលពីវេលាម៉ោង១៥និង៤០នាទីរសៀលថ្ងៃទី០១ ខែតុលា ឆ្នាំ២០១៨ នៅចំណុចទឹកស្រះខាងក្រោយផ្ទះ ចម្ងាយប្រហែល១៣៥ម៉ែត្រ ស្ថិតក្នុងភូមិពុកយុក សង្កាត់ …
ខេត្តកំពង់ធំ ៖ ក្មេងប្រុសពីរនាក់លង់ទឹកស្រះស្លាប់យ៉ាងអាណោចអាធម៌ហេតុការក្មេងប្រុសពីរនាក់លង់ទឹកស្រះស្លាប់បានបង្កឲ្យមានការភ្ញាក់ផ្អើល កាលពីវេលាម៉ោង១៥និង៤០នាទីរសៀលថ្ងៃទី០១ ខែតុលា ឆ្នាំ២០១៨ នៅចំណុចទឹកស្រះខាងក្រោយផ្ទះ ចម្ងាយប្រហែល១៣៥ម៉ែត្រ ស្ថិតក្នុងភូមិពុកយុក សង្កាត់ ស្រយ៉ូវ ក្រុងស្ទឹងសែន ខេត្តកំពង់ធំ ។
លោកវរសេនីយ៍ឯក ញ៉ែម ឈុនលី អធិការនគរបាលក្រុងស្ទឹងសែនបានឲ្យដឹងថា ករណីក្មេង០២នាក់ លង់ទឹកស្លាប់ខាងលើនេះដែរជនរងគ្រោះខាងលើមានទី១-ឈ្មោះ ញឹម ដែន ភេទប្រុស អាយុ១៣ឆ្នាំ មានឪពុកឈ្មោះ រ៉ាត់ បានលែងលះគ្នាជាមួយនឹងម្តាយក្មេងរងគ្រោះ ដែលម្តាយ ឈ្មោះ ញ៉ឹម រឿន ហើយស្ត្រីជាម្តាយក៏បានទៅរកស៊ីនៅឯប្រទេសថៃ ដោយទុកកូនដែលជាជនរងគ្រោះឲ្យរស់នៅជាមួយនឹងជីដូន និងទី២-ឈ្មោះ សាក់ វិច្ឆិការ ហៅចាវ ភេទប្រុស អាយុ១៤ឆ្នាំ មានឪពុកឈ្មោះ សាក់ ចាន់ និងម្តាយឈ្មោះ វង្ស នី សពក្មេងប្រុសទាំង០២ខាងលើរស់នៅភូមិពុកយុក សង្កាត់ស្រយ៉ូវ ក្រុងស្ទឹងសែនជាមួយគ្នា ។
បើតាមការឲ្យដឹងពីពលរដ្ឋនិយាយថា នៅមុនពេលកើតហេតុជនរងគ្រោះទាំងពីរនាក់បាននាំគ្នាទៅមុជទឹកស្រះខាងលើលេង ហើយក៏បណ្តាលឲ្យលង់ស្លាប់តែម្តង ។
បើតាមការសន្និដ្ឋានប្រហែលជានៅខណៈពេលដែលកំពុងតែមុជទឹកនោះ សង្ស័យមានជនរងគ្រោះណាម្នាក់លង់ទឹកមុន ហើយមើលទៅម្នាក់ទៀតក៏ទៅជួយក៏បណ្តាលឲ្យលង់ស្លាប់ទាំងពីរនាក់តែម្តង ។
ក្រោយពីពិនិត្យឃើញថា មូលហេតុនាំគ្នាទៅងូតទឹកស្រះលេង ហើយលង់ស្លាប់តែម្តងបន្ទាប់មកក៏ប្រគល់សពទាំង០២នាក់ឲ្យទៅក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ