ខ្នងផ្ទះទី៩៣-៩៧ ប្រគល់ជូនអតីតយុទ្ធជនចំនួន៥គ្រួសារ
- បាត់ដំបង
ខេត្តបាត់ដំបង ៖ នាវេលាម៉ោង៨ព្រឹក ថ្ងៃទី១ ខែតុលា ឆ្នាំ២០១៨ លោកឧត្តមសេនីយ៍ទោ អ៊ុក ឃ្នួច មេបញ្ជាការរងយោធភូមិភាគទី៥…
ខេត្តបាត់ដំបង ៖ នាវេលាម៉ោង៨ព្រឹក ថ្ងៃទី១ ខែតុលា ឆ្នាំ២០១៨ លោកឧត្តមសេនីយ៍ទោ អ៊ុក ឃ្នួច មេបញ្ជាការរងយោធភូមិភាគទី៥…
ខេត្តបាត់ដំបង ៖ នាវេលាម៉ោង៨ព្រឹក ថ្ងៃទី១ ខែតុលា ឆ្នាំ២០១៨ លោកឧត្តមសេនីយ៍ទោ អ៊ុក ឃ្នួច មេបញ្ជាការរងយោធភូមិភាគទី៥ មេបញ្ជាការតំបន់ប្រតិបត្តិការសឹករងបាត់ដំបង ប្រធាន ស.អ.ក ខេត្ត, លោក សុខ គង់ ទីប្រឹក្សារាជរដ្ឋាភិបាល, លោកកឧត្តមសេនីយ៍ទោ នី កន ទីប្រឹក្សាក្រសួងការពារជាតិ អនុប្រធាន ស.អ.ក ខេត្ត, លោកឧត្តមសេនីយ៍ត្រី ម៉ុក ឌីណា មេបញ្ជាការទិសតំបន់ប្រតិបត្តិការសឹករងបាត់ដំបង សមាជិក គណៈកម្មាធិការ ស.អ.ក ខេត្ត, លោកឧត្តមសេនីយ៍ត្រី ពុំ ចាន់ ស្នងការរង នៃស្នងការដ្ឋាននគរបាលខេត្ត សមាជិក គណៈកម្មាធិការ ស.អ.ក ខេត្ត, លោកវរសេនីយ៍ទោ រ៉ុង ប៉ុក មេបញ្ជាការរង កងរាជអាវុធហត្ថខេត្ត សមាជិក គណៈកម្មាធិការ ស.អ.ក ខេត្ត អញ្ជើញជាអធិបតីក្នុងពិធីប្រគល់ផ្ទះចំនួន០៥ខ្នង នៅស្រុកភ្នំព្រឹក ០១ខ្នង, ស្រុកសំពៅលូន០២ខ្នង, ស្រុកកំរៀង២ខ្នង អញ្ជើញចូលរួមមាន៖
អស់លោក សមាជិក គណៈកម្មាធិការ ស.អ.ក ខេត្ត, លោកអភិបាល នៃគណៈអភិបាលស្រុក ប្រធានកិត្តិយស ស.អ.ក ស្រុក, លោកប្រធាន អនុប្រធាន ស.អ.ក ស្រុក, ក្រុមការងារ ស.អ.ក ខេត្ត/ស្រុក, លោកប្រធានកិត្តិយសសាខាឃុំ, លោកប្រធានសាខាឃុំ និងអាជ្ញាធរដែនដី សរុបចំនួន៨៨នាក់។ ខ្នងផ្ទះទី៩៣, ទី៩៤, ទី៩៥, ទី៩៦ និងទី៩៧ ក្នុងចំណោមផ្ទះ ទាំង១០៣ខ្នង របស់សមាគមអតីតយុទ្ធជនកម្ពុជាខេត្តបាត់ដំបង ធ្វើអំពីឈើប្រក់ស័ង្កសី រៀបការ៉ូបាត និងរៀបជញ្ជាំងឥដ្ឋកម្ពស់ ០១ម៉ែត្រ ជាអំណោយដ៏ថ្លៃថ្លារបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា ផ្តល់ជូនអតីតយុទ្ធជនចំនួន ០៥គ្រួសារ ដែលមានជីវភាពទីទ័លក្រ គ្មានទីជម្រករស់នៅសមរម្យ៖ ១.ឈ្មោះ ម៉ុន លី អត្តលេខ SA04000155 ជាគ្រួសារពលី ភេទស្រី អាយុ៤៦ឆ្នាំ ទទួលបានផ្ទះទំហំ (៤ម៉ែត្រ x ៦ម៉ែត្រ) តសំយ៉ាបក្រោយ ទំហំ(៣ម៉ែត្រ × ២.៥ម៉ែត្រ) ស្ថិតនៅភូមិដំណាក់ក្សាន្ត ឃុំបួរ ស្រុកភ្នំព្រឹក ខេត្តបាត់ដំបង។
២.ឈ្មោះ យឹម ពៅ អត្តលេខ HA98001583 ជាជនពិការ ភេទប្រុស អាយុ ៤៩ឆ្នាំ ទទួលបានផ្ទះទំហំ (៤ម៉ែត្រ x ៦ម៉ែត្រ) តសំយ៉ាបក្រោយ ទំហំ(៣ម៉ែត្រ×២.៥ម៉ែត្រ) ស្ថិតនៅភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។ ៣.ឈ្មោះ សំ ចាន់ អត្តលេខ HA87000651 ជាជនពិការ ភេទប្រុស អាយុ៥៦ឆ្នាំ ទទួលបានផ្ទះទំហំ (៤ម៉ែត្រ x ៦ម៉ែត្រ) តសំយ៉ាបក្រោយ ទំហំ (៣ម៉ែត្រ x ២.៥ម៉ែត្រ) ស្ថិតនៅភូមិតាស្តា ឃុំតាស្តា ស្រុកសំពៅលូន ខេត្តបាត់ដំបង។ ៤.ឈ្មោះ វ៉ែន ជ្រូក អត្តលេខ HA89000969 ជាជនពិការ ភេទប្រុស អាយុ៥០ឆ្នាំ ទទួលបានផ្ទះទំហំ (៤ម៉ែត្រ x ៦ម៉ែត្រ) តសំយ៉ាបក្រោយទំហំ (៣ម៉ែត្រ x ២.៥ម៉ែត្រ) ស្ថិតនៅភូមិថ្មី ឃុំត្រាង ស្រុកកំរៀង ខេត្តបាត់ដំបង។ ៥.ឈ្មោះ កេង សាវុន អត្តលេខ HA89001341 ជាជនពិការ ភេទប្រុស អាយុ៦១ឆ្នាំ ទទួលបានផ្ទះទំហំ (៤ម៉ែត្រ x ៦ម៉ែត្រ) តសំយ៉ាបក្រោយ ទំហំ (៣ម៉ែត្រ x ២.៥ម៉ែត្រ) ស្ថិតនៅភូមិអូរចម្លង ឃុំតាសែន ស្រុកកំរៀង ខេត្តបាត់ដំបង ។
ក្នុងឱកាសនេះ លោកប្រធាន សមាគមអតីតយុទ្ធជនកម្ពុជាខេត្ត បានសំណេះសំណាលជាមួយអតីតយុទ្ធជន និងម្ចាស់ផ្ទះថ្មីដែលត្រូវប្រគល់ជូននាពេលនេះ ហើយបានពាំនាំពាក្យផ្តាំផ្ញើសួរសុខទុក្ខពីថ្នាក់ដឹកនាំគ្រប់លំដាប់ថ្នាក់ និងបានថ្លែងអំណរគុណយ៉ាងជ្រាលជ្រៅដល់អតីតយុទ្ធជន និងក្រុមគ្រួសារទាំងអស់ ដែលបានបោះឆ្នោតគាំទ្រ សម្តេច អគ្គមហាសេនាបតីតេជោ ហ៊ុន សែន ធ្វើជានាយករដ្ឋមន្ត្រី ដើម្បីដឹកនាំប្រទេសជាតិឲ្យមានសុខសន្តិភាព ការអភិវឌ្ឍន៍ រីកចម្រើន និងធ្វើជាប្រធាន សមាគមអតីតយុទ្ធជនបន្តទៀត។ កម្មវិធីនេះម្ចាស់ផ្ទះទទួលបានគ្រឿង ឧបភោគបរិភោគរួមមាន៖ ថវិកា ៤០០,០០០រៀល, អង្ករចំនួន ១០០គីឡូក្រាម, ទឹកត្រី ០១យួរ, ទឹកស៊ីអីវ ០១យួរ, ត្រីខ ០១យួរ, ឆ្នាំង ចាន មុង ០១, ផួយ០១ និងកន្ទេល០១ ក្នុងនោះដែរ លោក សុខ គង់ ទីប្រឹក្សារាជរដ្ឋាភិបាល បានឧបត្ថម្ភថវិកា ២០០,០០០រៀល បន្ថែមទៀត សម្រាប់ម្ចាស់ផ្ទះក្នុង១គ្រួសារ។
លោកឧត្តមសេនីយ៍ទោ អ៊ុក ឃ្នួច ប្រធាន ស.អ.ក ខេត្ត និងលោកជំទាវ បានឧបត្ថម្ភរទេះ១គ្រឿង ដល់អតីតយុទ្ធជនជាជនពិការ, លោកឧត្តមសេនីយ៍ទោ នី កន អនុប្រធាន ស.អ.ក ខេត្ត បានឧបត្ថម្ភថវិកា ៤០០,០០០រៀល សម្រាប់កម្មវិធីប្រគល់ផ្ទះនេះផងដែរ។ ដោយឡែកអតីតយុទ្ធជនដែលមានជីវភាពទីទ័ល មកចូលរួមចំនួន៥១នាក់ ម្នាក់ៗទទួលបានថវិកាចំនួន ៣០,០០០រៀល ជាអំណោយរបស់សម្តេច អគ្គមហាសេបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធានសមាគម អតីតយុទ្ធជនកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន៕
ចែករំលែកព័តមាននេះ