ខេត្តកំពង់ស្ពឺ ៖ ក្មេងស្រីម្នាក់បានរងរបួសធ្ងន់ត្រូវបានសាច់ញាតិបញ្ជូនទៅសង្គ្រោះ បន្ទាប់ពីរងនូវការកាប់ប្រហារពីបុរសដែលញៀនថ្នាំម្នាក់ ។ ករណីអំពើហិង្សានេះកើតឡើងកាលពី ថ្ងៃទី៣០ កញ្ញា ២០១៨ នៅភូមិអង្គទន្លាប់…
ខេត្តកំពង់ស្ពឺ ៖ ក្មេងស្រីម្នាក់បានរងរបួសធ្ងន់ត្រូវបានសាច់ញាតិបញ្ជូនទៅសង្គ្រោះ បន្ទាប់ពីរងនូវការកាប់ប្រហារពីបុរសដែលញៀនថ្នាំម្នាក់ ។ ករណីអំពើហិង្សានេះកើតឡើងកាលពី ថ្ងៃទី៣០ កញ្ញា ២០១៨ នៅភូមិអង្គទន្លាប់ ឃុំសំរោងទង ស្រុកសំរោងទង ខេត្តកំពង់ស្ពឺ។
ជនសង្ស័យឈ្មោះ ម៉ូវ ឈុនលឹម ហៅ ជ្រឹង ភេទប្រុស អាយុ២៩ឆ្នាំ រស់នៅភូមិឃុំខាងលើ ។ ជនរងគ្រោះ
ឈ្មោះគឹម ស្រីណេត អាយុ១៨ឆ្នាំរស់នៅភូមិឃុំជាមួយជនសង្ស័យ។
ប្រភពសមត្ថកិច្ចបានអោយដឹងថា មុនពេលហេតុ ជនរងគ្រោះនៅធ្វើកិច្ចការផ្ទះដូចសព្វដងស្រាប់តែជនសង្ស័យមិនដឹងជាមកពីណាបានកាន់ចបកាប់មកវាយជនរងគ្រោះចំក្បាលដោយគ្មានមូលហេតុបណ្តាលអោយរងរបួសធ្ងន់ ត្រូវបានក្រុមគ្រួសារបញ្ជូនទៅព្យាបាលនៅមន្ទីរពេទ្យឯកជន ភ្លាមៗផងដែរ។ ចំណែកជនដៃដល់ត្រូវបានសមត្ថកិច្ចឃាត់ខ្លួនដើម្បីធ្វើការសាកសួររកមូលហេតុនៃការកាប់ប្រហារនេះ។
នៅចំពោះមុខសមត្ថកិច្ច ជនសង្ស័យខាងលើបានឆ្លើយសារភាពថា ខ្លួនមិនបានដឹងខ្លួននោះតែបានសារភាពថា ខ្លួនពិតជាបានយកចបកាប់ វាយទៅលើជនរងគ្រោះខាងលើពិតប្រាកដមែន ។
បន្ទាប់ពីសាកសួររួចមក សមត្ថកិច្ចជំនាញបានកសាងសំណុំរឿងបញ្ជូនទៅកាន់ការិយាល័យព្រហ្មទណ្ឌដើម្បីចាត់កាតាមនិតិវិធី ។
តាមសន្និដ្ឋាន ជនសង្ស័យអាចបែកថ្នាំ ទើបវង្វេងស្មារតីប្រព្រឹត្តអំពើហិង្សាបែបនេះ៕
ចែករំលែកព័តមាននេះ