លោកគីម ជុងអ៊ុន ធ្វើអំណោយឆ្កែ២ក្បាលដល់លោក MOON
ប្រទេសកូរ៉េទាំង២ ៖ មេដឹកនាំកូរ៉េខាងជើងលោកគីម ជុងអ៊ុន បានធ្វើអំណោយជូនដល់ប្រធានាធិបតីកូរ៉េខាងត្បូង លោក MOON JAE IN នូវឆ្កែពូជ…
ប្រទេសកូរ៉េទាំង២ ៖ មេដឹកនាំកូរ៉េខាងជើងលោកគីម ជុងអ៊ុន បានធ្វើអំណោយជូនដល់ប្រធានាធិបតីកូរ៉េខាងត្បូង លោក MOON JAE IN នូវឆ្កែពូជ…
ប្រទេសកូរ៉េទាំង២ ៖ មេដឹកនាំកូរ៉េខាងជើងលោកគីម ជុងអ៊ុន បានធ្វើអំណោយជូនដល់ប្រធានាធិបតីកូរ៉េខាងត្បូង លោក MOON JAE IN នូវឆ្កែពូជ PUNGSAN ជាពូជឆ្កែប្រមាញ់សម្បុរស២ក្បាល ដែលនោះជាសញ្ញាថ្មីនៃការខិតចូលជិតគ្នារវាងកូរ៉េទាំង២។
លោកគីម ជុងអ៊ុន និងលោក MOON JAE IN បានជួបគ្នាជាលើកទី៣នាឆ្នាំនេះ កាលពីពាក់កណ្ដាលខែកញ្ញា ហើយនោះជាលើកដំបូងដែលប្រមុខរដ្ឋកូរ៉េខាងត្បូង១រូបទៅកាន់ក្រុងព្យុងយ៉ាង។ នាឱកាសនោះហើយដែលមេដឹកនាំកូរ៉េខាងជើងបានស្នើជូនកាដូឆ្កែពូជល្អ២ក្បាលដល់លោក។
នេះជាការប្រកាសកាលពីថ្ងៃទី៣០ កញ្ញា របស់វិមានប្រធានាធិបតីកូរ៉េខាងត្បូង។ ហើយឆ្កែទាំង២ក្បាលនោះបាននាំឆ្លងកាត់តំបន់ព្រំដែនត្រង់ភូមិប៉ានមុនហ្សូម កាលពីថ្ងៃទី២៧ កញ្ញា មកកាន់កូរ៉េខាងត្បូង។
ឆ្កែពូជ PUNGSAN ជាឈ្មោះនៃតំបន់កូរ៉េខាងជើងមួយ ហើយឆ្កែពូជនេះល្បីថា ជាឆ្កែដែលស្មោះត្រង់បំផុត និងមានទេពកោសល្យខាងប្រមាញ់សត្វ ដោយវាអាចតាមប្រមាញ់ខ្លាទៀតផង។ ហើយពូជឆ្កែនោះជាផ្លូវការចាត់ទុកជានិមិត្តរូបជាតិនៅកូរ៉េខាងជើង។ លោក MOON ជាអ្នកស្រឡាញ់សត្វស្រាប់នឹងឲ្យពួកវារស់នៅជាមួយឆ្កែរបស់លោកឈ្មោះ TORI ដែលលោកយកមកចិញ្ចឹមនៅវិមានប្រធានាធិបតី ២ខែក្រោយលោកឡើងកាន់អំណាច។
ពុំមែនជាលើកទីមួយទេ ដែលមេដឹកនាំកូរ៉េខាងជើង ផ្ដល់កាដូជាឆ្កែពូជ PUNGSAN
ដល់ប្រធានាធិបតីកូរ៉េខាងត្បូងមួយរូបនោះ។ កាលពីឆ្នាំ២០០០ លោកគីម ជុងអ៊ីលឪពុកលោកគីម ជុងអ៊ុន ធ្លាប់ផ្ដល់ជូនប្រធានាធិបតីកូរ៉េខាងត្បូងសម័យកាលនោះលោកKIM DAE JUNG នូវឆ្កែពូជ PUNGSAN ២ក្បាលដែរ៕
ចែករំលែកព័តមាននេះ