ប្រទេសអ៊ីរ៉ង់ ៖ ផ្នែកជួយសង្គ្រោះអ៊ីរ៉ង់បានរាយការណ៍កាលពីថ្ងៃទី ៣០ កញ្ញា ឱ្យដឹងថា មនុស្ស២៧នាក់ស្លាប់ ហើយជាង៣០០នាក់ទៀតបានពុល ក្រោយផឹកស្រារត់ពន្ធនៅប្រទេសនេះ ទោះបីជាស្រានៅទីនោះហាមមិនឲ្យផឹក…
ប្រទេសអ៊ីរ៉ង់ ៖ ផ្នែកជួយសង្គ្រោះអ៊ីរ៉ង់បានរាយការណ៍កាលពីថ្ងៃទី ៣០ កញ្ញា ឱ្យដឹងថា មនុស្ស២៧នាក់ស្លាប់ ហើយជាង៣០០នាក់ទៀតបានពុល ក្រោយផឹកស្រារត់ពន្ធនៅប្រទេសនេះ ទោះបីជាស្រានៅទីនោះហាមមិនឲ្យផឹក ហើយបើផឹកត្រូវមានទោសឧក្រិដ្ឋក៏ដោយ។
យោងតាមទីភ្នាក់ងារព័ត៌មានផ្លូវការអ៊ីរ៉ង់ IRNA ថា អ្នកពុលស្រាប្រមាណជា១៧៦នាក់ស្ថិតនៅមន្ទីរពេទ្យនៅឡើយ។ ទោះមានការហាមឃាត់មិនឲ្យផឹកស្រាក្នុងប្រទេសអ៊ិស្លាមនោះ និងការចាប់រឹបអូសស្រារត់ពន្ធញឹកញាប់របស់ប៉ូលិសក្ដី ក៏ស្រារត់ពន្ធនៅតែមានលក់គ្រប់ទីកន្លែងនៅអ៊ីរ៉ង់ដែរ។
ចំណែកឯទូរទស្សន៍រដ្ឋអ៊ីរ៉ង់វិញរាយការណ៍នាថ្ងៃទី៣០ កញ្ញាដែរថា មនុស្ស៣នាក់ត្រូវកាត់ទោសប្រហារជីវិត ដោយតុលារពិសេសទទួលបន្ទុកតស៊ូប្រឆាំងឧក្រិដ្ឋកម្មហិរញ្ញវត្ថុ។ ម្យ៉ាងវិញទៀតមនុស្ស៣២នាក់ ត្រូវកាត់ទោសដាក់គុកដល់ទៅ២០ឆ្នាំពីបទឧក្រិដ្ឋសេដ្ឋកិច្ច៕
ចែករំលែកព័តមាននេះ