ទីក្រុងម៉ានីល ៖ បំណុលរបស់រដ្ឋាភិបាលប្រទេសហ្វីលីពីនបានកើនដល់ប្រមាណ១៣១ប៊ីលានដុល្លារកាលពី៨ខែដំបូងនាឆ្នាំ២០១៨នេះ បន្ទាប់ពីមានកម្ចីពីបរទេសជាច្រើន ។ ទិន្នន័យដែលចេញពីការិយាល័យរតនាគារហ្វីលីពីនកាលពីថ្ងៃសុក្រ បានឲ្យដឹងថា បំណុលសរុបបានកើនឡើង១០,៥%ពី១១៩ប៊ីលានដុល្លារកាលពីឆ្នាំ២០១៧ ។ ការិយាល័យនេះបានបន្តថា…
ទីក្រុងម៉ានីល ៖ បំណុលរបស់រដ្ឋាភិបាលប្រទេសហ្វីលីពីនបានកើនដល់ប្រមាណ១៣១ប៊ីលានដុល្លារកាលពី៨ខែដំបូងនាឆ្នាំ២០១៨នេះ បន្ទាប់ពីមានកម្ចីពីបរទេសជាច្រើន ។
ទិន្នន័យដែលចេញពីការិយាល័យរតនាគារហ្វីលីពីនកាលពីថ្ងៃសុក្រ បានឲ្យដឹងថា បំណុលសរុបបានកើនឡើង១០,៥%ពី១១៩ប៊ីលានដុល្លារកាលពីឆ្នាំ២០១៧ ។
ការិយាល័យនេះបានបន្តថា បំណុលបានកើនឡើងប្រមាណ០,៨៦% បើធៀបនឹង ១៣០ប៊ីលានដុល្លារកាលពីចុងខែកក្កដា ។ បំណុលបរទេសបានកើនឡើងដល់ទៅ ៣,៦% មកស្មើ៤៦,៨ប៊ីលានដុល្លារ ខណៈដែលបំណុលក្នុងស្រុកបានធ្លាក់ចុះ០,៦%ទៅវិញ មកស្មើ៨៤,៦ប៊ីលានដុល្លារ។
ការិយាល័យខាងលើបានឲ្យដឹងថា កំណើននៃបំណុលបរទេសកើតមានឡើង ព្រោះតែកម្ចីបរទេសប្រមាណ១,៣ប៊ីលានដុល្លារ ។ ជាមួយគ្នានេះផងដែរ ការឡើងចុះនៃតម្លៃប្រាក់ដុល្លារ និងប្រាក់យេន បានបន្ថែមបំណុលប្រមាណ ២៦៨លានដុល្លារ និង១,១ប៊ីលានដុល្លារទៀតផង ។
ការិយាល័យនេះ បានបន្ថែមទៀតថា បំណុលបរទេសស្មើ៣៥,៦%នៃបំណុលសរុបនៅចុងខែសីហា ខណៈដែលបំណុលក្នុងស្រុកស្មើ៦៤,៣៧%ផងដែរ ៕
ចែករំលែកព័តមាននេះ