ខេត្ដប៉ៃលិន ៖ តាមសេចក្តីរាយការណ៍បឋមបានឱ្យដឹងថា រថយន្តឈ្នួលមួយគ្រឿងបើកបរក្នុងល្បឿន លឿន ជ្រុលចង្កូតទៅបុកម៉ូតូ១គ្រឿងចតឈប់នៅក្បែរចិញ្ចើផ្លូវ បណ្តាលឱ្យក្រឡាប់រងរបួសធ្ងន់ស្រាលចំនួន១៧នាក់ ។ ហេតុការណ៍នេះ បានកើតឡើងកាលពីវេលាម៉ោង១និង៣០នាទីរសៀលថ្ងៃទី៣០…
ខេត្ដប៉ៃលិន ៖ តាមសេចក្តីរាយការណ៍បឋមបានឱ្យដឹងថា រថយន្តឈ្នួលមួយគ្រឿងបើកបរក្នុងល្បឿន លឿន ជ្រុលចង្កូតទៅបុកម៉ូតូ១គ្រឿងចតឈប់នៅក្បែរចិញ្ចើផ្លូវ បណ្តាលឱ្យក្រឡាប់រងរបួសធ្ងន់ស្រាលចំនួន១៧នាក់ ។
ហេតុការណ៍នេះ បានកើតឡើងកាលពីវេលាម៉ោង១និង៣០នាទីរសៀលថ្ងៃទី៣០ ខែកញ្ញា ឆ្នាំ២០១៨ ស្ថិតនៅភូមិភ្នំស្ពុង ឃុំសាលាក្រៅ ស្រុកសាលាក្រៅ ។
ប្រភពព័ត៌មានពីនគរបាលបានឱ្យដឹងថា ម្ចាស់ម៉ូតូឈ្មោះ សំ ចាន់ណា ភេទប្រុស អាយុ២៧ ស្នាក់នៅភូមិទួលខ្ពស់ ឃុំស្ទឹងត្រង់ ស្រុកសាលាក្រៅ ជាអ្នកបើកបរម៉ូតូម៉ាក ហុងដាឌ្រីម ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ប៉ៃលិន ១C-២៣៩៥ រងការខូចខាតយ៉ាងដំណំ ។
ចំណែកម្ចាស់រថយន្តឈ្មោះ សុ ផៃ ភេទប្រុស អាយុ២៥ឆ្នាំ ស្នាក់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ជាអ្នកបើកបររថយន្តឈ្នួលមួយគ្រឿងម៉ាកស៊ីណា ពណ៌ស្ករ ពាក់ស្លាកលេខភ្នំពេញ ២AG-២៧៦៩ រងការខូចខាតធ្ងន់ធ្ងរ ។
ប្រភពបន្តទៀតថា មុនពេលកើតហេតុ គេឃើញរថយន្តឈ្នួល១គ្រឿងម៉ាកស៊ីណា បើកបរ ល្បឿនយ៉ាងលឿនក្នុងទិសដៅពីត្បូងទៅជើង លុះដល់កន្លែងកើតហេតុ ស្រាប់តែរេចង្កូតទៅខាងស្តាំដៃ ជ្រុលទៅបុកជាមួយនឹងម៉ូតូដែលកំពុងចតឈប់នៅក្បែរចិញ្ចើមផ្លូវ បណ្តាលឱ្យក្រឡាប់រងរបួសធ្ងន់ស្រាលចំនួន១៧តែម្តង ។
បច្ចុប្បន្នជនរងគ្រោះទាំងអស់ ត្រូវបានគេបញ្ជូនទៅមន្ទីរពេទ្យខេត្តប៉ៃលិន តែដោយសារអ្នក ខ្លះរងរបួសធ្ងន់ធ្ងរខ្លាំងពេក ត្រូវគ្រូពេទ្យបញ្ជូនទៅខេត្តបាត់ដំបង ដើម្បីធ្វើការព្យាបាលផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ