ខេត្តកណ្ដាល ៖ តាមសេចក្តីរាយការណ៍បឋមបានឲ្យដឹងថា ករណីបុរសម្នាក់បានលង់ទឹក ស្លាប់ កាលពីវេលាម៉ោង៦និង០០នាទី ថ្ងៃទី០១ ខែតុលា ឆ្នាំ២០១៨ នៅចំណុចក្នុងមេទឹកបឹងតាអាំក្រោយ…
ខេត្តកណ្ដាល ៖ តាមសេចក្តីរាយការណ៍បឋមបានឲ្យដឹងថា ករណីបុរសម្នាក់បានលង់ទឹក ស្លាប់ កាលពីវេលាម៉ោង៦និង០០នាទី ថ្ងៃទី០១ ខែតុលា ឆ្នាំ២០១៨ នៅចំណុចក្នុងមេទឹកបឹងតាអាំក្រោយ ភូមិពោង ឃុំសំបួរមាស ស្រុកមុខកំពូល ខេត្តកណ្តាល ។
សេចក្តីរាយការណ៍បន្តថា ជនរងគ្រោះខាងលើឈ្មោះ ហ៊ន គា ភេទប្រុស អាយុ៣៨ឆ្នាំ រស់នៅភូមិពោង ឃុំសំបួរមាសស្រុកមុខកំពូល ខេត្តកណ្ដាល មុខរបរកសិករ ។
ឮមុនពេលកើតហេតុដោយកន្លងមក ជនរងគ្រោះបានដើរផឹកស៊ីជាប្រចាំ ហើយស្រវឹងរហូតជួនកាលចូលផ្ទះ ជួនកាលមិនចូលផ្ទះ មិនបានជួយរកស៊ីប្រពន្ធកូនទេ (ស្រវឹងរហូត) ។ លុះដល់ថ្ងៃទី០១ ខែតុលា ២០១៨ នៅវេលាម៉ោង៦និង០០នាទី ស្រាប់តែជនរងគ្រោះបាន លង់ទឹកស្លាប់នៅបឹងមេទឹកតាអាំ ចំណុចកើតហេតុខាងលើតែម្ដង ។
ក្រោយពេលទទួលដំណឹងរួចមកនៅវេលាម៉ោង៦និង២៤នាទីព្រឹក ថ្ងៃទី០១ ខែតុលា ២០១៨ជំនាញ និងប៉ុស្ដិ៍អាជ្ញាធរមូលដ្ឋានភូមិឃុំ និងពេទ្យបានចុះពិនិត្យសាកសពនៅផ្ទះជន រងគ្រោះ នៅវេលាម៉ោង០៨និង៤០នាទី ឃើញថា សាកសពមានវត្ថុរាវលាយឈាមចេញតាមច្រមុះ និងមាត់ ក្រៅពីនេះពុំមានស្លាកស្នាមអ្វីឡើយ ។
ការសន្និដ្ឋានជនរងគ្រោះលង់ទឹកស្លាប់ដោយខ្លួនឯងពិតប្រាកដមែន ។ ចំណែកសពបានប្រគល់ឲ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ