រាជធានីភ្នំពេញ ៖ យុវជនម្នាក់ឈ្លោះប្រកែកជាមួយសង្សារ បានផឹកស្រាជាមួយមិត្តភក្តិលុះស្រវឹងសម្រេចចិត្តលោតពីលើផ្ទះជាន់ទី៦ធ្វើអត្តឃាតមិនបានសម្រេច សំណាងល្អធ្លាក់ទើរ លើដើមត្របែកព្រៃរងរបួសធ្ងន់ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៣០ ខែកញ្ញា ឆ្នាំ២០១៨ តាមបណ្តោយផ្លូវព្រះមុនីវង្ស…
រាជធានីភ្នំពេញ ៖ យុវជនម្នាក់ឈ្លោះប្រកែកជាមួយសង្សារ បានផឹកស្រាជាមួយមិត្តភក្តិលុះស្រវឹងសម្រេចចិត្តលោតពីលើផ្ទះជាន់ទី៦ធ្វើអត្តឃាតមិនបានសម្រេច សំណាងល្អធ្លាក់ទើរ លើដើមត្របែកព្រៃរងរបួសធ្ងន់ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៣០ ខែកញ្ញា ឆ្នាំ២០១៨ តាមបណ្តោយផ្លូវព្រះមុនីវង្ស នៅចំណុចមុខផ្ទះលេខ១៨៥ទល់មុខនឹងសណ្ឋាគារ ដាយមិន ស្ថិតនៅក្នុងសង្កាត់មនោរម្យ ខណ្ឌ៧មករា ។
ជនរងគ្រោះខាងលើឈ្មោះឡុង មៃ ភេទប្រុស អាយុ១៩ឆ្នាំ មុខរបរអ្នកអនាម័យនៅសណ្ឋាគារមួយកន្លែង ស្នាក់នៅផ្ទះគ្មានលេខជាន់ទី៥ សង្កាត់មនោរម្យ ខណ្ឌ៧មករា ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញជនរងគ្រោះបានអង្គុយផឹកស្រាជាមួយមិត្តភក្តិ៧ទៅ៨នាក់ មានប្រុសមានស្រី ដោយអង្គុយផឹកតាំងពីម៉ោង៦ល្ងាចរហូតដល់វេលាកើតហេតុខាងលើ ក៏ស្រាប់តែមិត្តភក្តិដែលអង្គុយផឹកជាមួយគ្នាបាត់ជនរងគ្រោះក៏នាំគ្នាសួររក បានមួយសន្ទុះក្រោយមកមានអ្នកដែលស្គាល់ជនរងគ្រោះនាំគ្នារត់ឡើងមកហើយស្រែកថា«អាមៃ បានលោតចុះពីជាន់ទី៥» ធ្លាក់ចំដើមត្របែកព្រៃសំណាងល្អអត់ស្លាប់គ្រាន់តែរងរបួសធ្ងន់បែកប្រអប់ជើងឆ្វេងតែប៉ុណ្ណោះភ្លាមៗនោះដែលមិត្តភក្តិ រួមជាមួយនឹងសង្សាររបស់ជនរងគ្រោះបានរត់ចុះទៅមើលជនរងគ្រោះហើយបាននាំគ្នាស្រែកទ្រហោយំ ។
សមត្ថកិច្ចខណ្ឌ៧មករាក៏បានបន្តទៀតថា មូលហេតុដែលជនរងគ្រោះលោតចុះពីផ្ទះជាន់ទី៥គឺមកពីខឹងសង្សារខ្លួនឯង តែមិនដឹងថាខឹងរឿងអីនោះឡើយដល់ពេលដែលសមត្ថកិច្ចឡើងទៅពិនិត្យមើលកន្លែងជនរងគ្រោះបានអង្គុយផឹកនោះឃើញថាមានស្រាបៀរអស់ចំនួន២កេសទៀតផង ហើយម្តាយរបស់ជនរងគ្រោះគាត់ក៏បានប្រាប់ថា ២ទៅ៣ថ្ងៃមុន ជនរងគ្រោះក៏មានការឈ្លោះគ្នាជាមួយសង្សារ តែមិនបានបញ្ជាក់ថាឈ្លោះប្រកែកគ្នារឿងអី្វនោះទេ។
ក្រោយពេលកើតហេតុ រថយន្តសង្គ្រោះរបស់មន្ទីរពេទ្យកាល់ម៉ែតបានមកដឹកយកជនរងគ្រោះទៅព្យា
បាល ៕
ចែករំលែកព័តមាននេះ