ក្រុមហ៊ុនពីរមកពីប្រទេសចិនសហការគ្នាជាមួយ Empire World Group
- ភ្នំពេញ
ពិធីសន្និសិទកាសែត និងចុះហត្ថលេខាលើកិច្ចសហការរវាងក្រុមហ៊ុន Empire World Group អេមផាយ វើលដ៍ គ្រុប ក្រុមហ៊ុន ប៉ាវអ៊ីងគ្រុប…
ពិធីសន្និសិទកាសែត និងចុះហត្ថលេខាលើកិច្ចសហការរវាងក្រុមហ៊ុន Empire World Group អេមផាយ វើលដ៍ គ្រុប ក្រុមហ៊ុន ប៉ាវអ៊ីងគ្រុប…
ពិធីសន្និសិទកាសែត និងចុះហត្ថលេខាលើកិច្ចសហការរវាងក្រុមហ៊ុន Empire World Group អេមផាយ វើលដ៍ គ្រុប ក្រុមហ៊ុន ប៉ាវអ៊ីងគ្រុប និង CFMA ស៊ីអេហ្វអឺមអេ (City Facility Management) នៅលើផ្ទៃដី៨០៣ហិកតារបស់ក្រុមហ៊ុន ហើយដំណាក់កាលទី១ របស់ក្រុមហ៊ុនហៅថា OBC មានទំហំ៥០ហិកតា ។
សន្និសីទសារព័ត៌មាននេះ ក៏មានវត្តមានពីបណ្តាថ្នាក់ដឹកនាំជាន់ខ្ពស់នៃរាជរដ្ឋាភិបាលកម្ពុជា គឺ ៖ ឯកឧត្តម រស់ ភិរុណ អគ្គនាយករងនៃអគ្គនាយកដ្ឋានហិរញ្ញវត្ថុ ។ ឯកឧត្តម សៀង សេន ប្រធាននាយកដ្ឋានប្រឆាំងបទល្មើសល្បែងពាណិជ្ជកម្ម និងឯកឧត្តម ជា វុទ្ធី អនុលេខាធិការរងនៃក្រុមប្រឹក្សាអភិវឌ្ឍន៍កម្ពុជា ។ នៅក្នុងសន្និសីទកាសែតនេះ អេមផាយ វើលដ៍ គ្រុប បានប្រកាសលើគំរោងមួយដែលមានឈ្មោះថា OBC។
OBC (គំនិតអាជីវកម្មអនឡាញ) គឺជាមជ្ឈមណ្ឌលពាណិជ្ជកម្មដ៏ទូលំទូលាយដែលរួមបញ្ចូលគ្នានូវឧស្សាហកម្មល្បែងអនឡាញ រួមបញ្ចូលនៅលំនៅដ្ឋានប្រកបដោយភាពច្នៃប្រឌិត និងបង្កើតបរិយាកាសការងារដ៏មានផាសុកភាព ។
ក្នុងសន្និសីទនេះ មានបណ្តាក្រុមហ៊ុនចំនួន២មកពីប្រទេសចិនបានចុះហត្ថលេខាជាមួយក្រុមហ៊ុន អេមផាយ វើលដ៍ គ្រុប លើគោលបំណងដើម្បីបង្កើតបច្ចេកវិទ្យាថ្មីទំនើបមានលក្ខណៈជាស្តង់ដាអន្តរជាតិនេះ គឺរដ្ឋាភិបាលបានប្រកាសគាំទ្រជាផ្លូវការ ដើម្បីធានាបាននូវសន្តិសុខ សុវត្ថិភាពលើផ្នែកបច្ចេកវិទ្យាដល់បណ្តាក្រុមហ៊ុនវិនិយោគនានា ដូចជាក្រុមហ៊ុនកាស៊ីណូ និងល្បែងភ្នាល់តាមអ៊ីនធើរណេតជាដើម ។
លោក អេរិច លូ ជានាយកប្រតិបត្តិរបស់ក្រុមហ៊ុន អេមផាយ វើលដ៍ គ្រុប បាននិយាយថា គំនិតអាជីវកម្មតាមប្រព័ន្ធអ៊ីនធើរណេតនឹងជួយដល់រដ្ឋាភិបាលកម្ពុជាដើម្បីកែលម្អ និងពង្រីកសន្តិសុខឧស្សាហកម្មល្បែងអនឡាញផងដែរ ។ មិនតែប៉ុណ្ណោះបង្កើនការងារ និងកំណើនសេដ្ឋកិច្ចរបស់ប្រទេសកម្ពុជា ។
រដ្ឋាភិបាលសង្ឃឹមថា ការគ្រប់គ្រងតាមបច្ចេកវិទ្យានេះ នឹងធ្វើឱ្យបណ្តាក្រុមហ៊ុនទាំងអស់អនុវត្តតាមគោលការណ៍របស់ក្រុមហ៊ុន អេមផាយ វើលដ៍ គ្រុប ដើម្បីសម្រេចបាននូវការវិនិយោគកាន់តែច្រើនមកកាន់កម្ពុជា ។
លោកបាននិយាយថា យើងបានសហការជាមួយក្រុមហ៊ុន ប៉ាវអីងគ្រុប និង CFMA ពីព្រោះក្រុមហ៊ុន ប៉ាវអីងគ្រុប គឺជាអ្នកនាំមុខគេនៅក្នុងទីផ្សារតុបតែងស្ថាបត្យកម្មចិន និងជាសញ្ញាសម្គាល់ល្បីល្បាញនៅក្នុងប្រទេសចិន ។
លោកបានប្រមូលនូវបទពិសោធន៍ផ្នែកបច្ចេកទេស ព្រមទាំងជំនាញយ៉ាងសំបូរបែបនៅក្នុងវិស័យរចនាប្លង់សំណង់ និងការសាងសង់រយៈពេលជាង២៥ឆ្នាំហើយ ។ លើសពីនេះ ទៀត CFMA ក៏មានបទពិសោធន៍ជាង២៥ឆ្នាំនៅក្នុងការគ្រប់គ្រងអចលនទ្រព្យដែលគ្របដណ្តប់លើប្រទេសចំនួន២០នៅជុំវិញពិភពលោក ។
ឯកឧត្តម រស់ ភិរុណ អគ្គនាយករង ក្រសួងសេដ្ឋកិច្ច ហិរញ្ញវត្ថុ បានបញ្ជាក់ថា គំរោងពហុចំរុះរបស់ក្រុមហ៊ុន អេមផាយ វើលដ៍ គ្រុប មិនត្រឹមតែជួយជំរុញសេដ្ឋកិច្ចកម្ពុជាប៉ុណ្ណោះទេ គឺបានជួយបង្កើនការប្រមូលពន្ធជូនរដ្ឋថែមទៀតផង ។
ក្រុមហ៊ុនសហគ្រាសជាច្រើនរបស់ចិន បានមកវិនិយោគនៅតំបន់សេដ្ឋកិច្ចពិសេស, វារីអគ្គិសនី, ហេដ្ឋារចនាសម្ព័ន្ធ, ធនាគារ, ក្រុមហ៊ុនអចលនទ្រព្យ និងវិស័យជាច្រើនទៀត ដោយសារតែសេដ្ឋកិច្ចកម្ពុជាមានអត្រាកំណើន៧% ក្នុង១ឆ្នាំៗ និងមានកត្តាភូមិសាស្ត្រសេដ្ឋកិច្ចដ៏គួរឱ្យចាប់អារម្មណ៍ ៕
ចែករំលែកព័តមាននេះ