ខេត្តព្រះសីហនុ ៖ ម្នាក់ជាងឈើ ម្នាក់ជាងធ្វើម៉ាស៊ីន និងម្នាក់ជាស្ត្រីម៉ាស្សា សុទ្ធតែប្រកបរបរស្របច្បាប់ បែរជាទុកចោល ទៅស្រវាលក់គ្រឿងញៀន ទើបក្នុងថ្ងៃទី៣០ កញ្ញានេះ ត្រូវកម្លាំងអធិការដ្ឋានគរបាលក្រុង បានចុះបង្ក្រាប និងឃាត់ទាំងខ្លួន៣នាក់បញ្ជូនឲ្យទៅដេកគុកជុំគ្នា។ ជនសង្ស័យម្នាក់ឈ្មោះ ចាំង វ៉ាង់តាវ ភេទប្រុស អាយុ៥០ឆ្នាំ មុខរបរជាងឈើ មានទីលំនៅក្រុម៣៣ ភូមិ៥ សង្កាត់លេខ៤ ក្រុង.ខេត្តព្រះសីហនុ វត្ថុតាងចាប់យកមាន ម្សៅក្រាមពណ៌សថ្លា ២កញ្ចប់ធំ និង៥កញ្ចប់តូច ទូរសព្ទ័១គ្រឿង។
ក្រោយពីឃាត់ខ្លួន ជាងឈើម្នាក់ខាងលើនេះ សមត្ថកិច្ចទទួលបានចម្លើយបន្តទៅឃាត់ខ្លួនជនសង្សយ័២នាក់ទៀត ម្នាក់ឈ្មោះ សុខ លី ភេទប្រុស អាយុ៥០ឆ្នាំ មុខរបរជាងម៉ាស៊ីន មានទីលំនៅក្រុម៣៣ ភូមិ១ សង្កាត់លេខ៤ និងម្នាក់ឈ្មោះ ដាំ គីមដែប ភេទស្រី អាយុ៥០ឆ្នាំ មុខរបរម៉ាស្សាតាមមាត់សមុទ្រ មានទីលំនៅក្រុម៣៣ ភូមិ១ សង្កាត់លេខ៤ ក្រុង.ខេត្តព្រះសីហនុ។ វត្ថុតាងចាប់យកម្សៅក្រាមពណ៌សថ្លា ១កញ្ចប់ធំ និង១កញ្ចប់តូច ទូរសព្ទ័១គ្រឿង។ ក្រោយពីឃាត់ខ្លួនសមត្ថកិច្ច បានកសាងសំណុំរឿងបញ្ជូនទៅកាន់សាលាដំបូងខេត្តតាមនីតិវិធី៕
ចែករំលែកព័តមាននេះ