បែបគិតថាគុកជាផ្ទះសំណាក់ទេដឹង ទើបរកតែគុកដូច្នេះ !
- កំពត
ខេត្តកំពត ៖ សេចក្តីរាយការណ៍ឲ្យដឹងថា កាលវេលាម៉ោង៣ និង៤៥នាទីទៀបភ្លឺ ឈានចូលថ្ងៃទី៣០ កញ្ញា ប៉ុស្តិ៍នគរបាលរដ្ឋបាលក្រាំងស្នាយ ស្រុកឈូក ខេត្តកំពត…
ខេត្តកំពត ៖ សេចក្តីរាយការណ៍ឲ្យដឹងថា កាលវេលាម៉ោង៣ និង៤៥នាទីទៀបភ្លឺ ឈានចូលថ្ងៃទី៣០ កញ្ញា ប៉ុស្តិ៍នគរបាលរដ្ឋបាលក្រាំងស្នាយ ស្រុកឈូក ខេត្តកំពត បានទទួលបណ្ដឹងតាមទូស័ព្ទពីពលរដ្ឋដែលរស់នៅ ភូមិតូច ឃុំក្រាំងស្នាយ ស្រុកឈូក ឈ្មោះ យិ ដារ៉ា ភេទប្រុស អាយុ២៩ឆ្នាំ ថា មានចោរចូលលួចមាន់ផ្ទះគាត់ អស់ពីទ្រុង។
ក្រោយពីសមត្ថកិច្ចទទួលបានបណ្ដឹងនោះ កម្លាំងនគរបាលប៉ុស្តិ៍ បានចុះទៅអន្តរាគមន៍ ទាន់ពេលវេលា និងបានឃាត់ខ្លួនជនសង្សយ័ឈ្មោះ ឆឹង ណាន់ ភេទប្រុស អាយុ៣៩ឆ្នាំ មានទីលំនៅ និងមុខរបរ មិនពិតប្រាកដ ដែលកំពុងយួរមាន់ចំនួន១២ក្បាល ដើរកាត់វាលបម្រុងគេចខ្លួន។
នៅពេលឃាត់ខ្លួនជនសង្ស័យ ឈ្មោះ ឆឹង ណាន់ ទើបសមត្ថកិច្ចដឹងថា ជននេះជាមុខសញ្ញចាស់ធ្លាប់ចាប់បញ្ជូន ទៅដាក់ពន្ធនាគារចំនួន៣លើក រួចមកហើយពីបទលួចគោ លួចម៉ូតូ និងមាន់។ សមត្ថកិច្ចបានបញ្ជាក់ទៀតថា ជនសង្ស័យទើបនឹង ចេញពីពន្ធនាគារបាន១១ថ្ងៃ ហើយបានបន្តធ្វើសកម្មភាពទៀត ពោលគឺមិនរាងចាល ជាប់គុកព្រោះតែលួចមាន់ចេញពីគុកនៅតែលួចមាន់ ដូច្នេះត្រូវចាប់បញ្ចូលគុកវិញ៕
ចែករំលែកព័តមាននេះ