រាជធានីភ្នំពេញ ៖ នៅទីបំផុតក្រុមគ្រួសាររបស់តារាចម្រៀងនាង ខេមរៈ ស្រីពៅ បានបង្ហាញនូវស្ថានភាពពិតប្រាកដនៃជំងឺរបស់នាងហើយ ដោយត្រូវឆ្លងកាត់ការវះកាត់ដ៏គ្រោះថ្នាក់មួយ។ បើទោះបីជាមិនបានបញ្ជាក់ពីប្រភេទនៃជំងឺរបស់នាងពីក្រុមគ្រួសារក៏ដោយ ប៉ុន្តៃស្ថានភាពជំងឺរបស់នាងអាចនិយាយបានថា កំពុងស្ថិតក្នុងគ្រោះថ្នាក់មួយ។
តារាចម្រៀងលោក ខេមរៈ សិរីមន្ត ដែលជាបងប្រុសរបស់ ខេមរៈ ស្រីពៅ បានបង្ហោះរូបភាពរបស់នាងដែលស្ថិតនៅលើគ្រែរបស់មន្ទីរ ដើម្បីត្រៀមនឹងធ្វើការវះកាត់។ ជាមួយរូបភាពមួយសន្លឹកនេះ ខេមរៈ សិរីមន្ត ក៏បានភ្ជាប់ជាមួយសារថា ជាច្រើនឆ្នាំមកនេះ ប្អូនស្រីដ៏កំសត់ម្នាក់នេះមិនដែលចង់ឃើញ Fan ដែលគាំទ្រគាត់ពិបាកចិត្ត ព្រោះតែស្ថានភាពជំងឺរបស់គាត់ឡើយ។
គាត់ចង់ឃើញ Fan គាត់រីករាយគ្រប់ពេលវេលាតែក្នុងនាមខ្ញុំជាបងប្រុសរបស់គាត់ចង់ប្រាប់បងប្អូនទាំងអស់គ្នាថា នៅពេលខាងមុខនេះគាត់ត្រូវឆ្លងកាត់ការវះកាត់ដ៏គ្រោះថ្នាក់មួយ ខ្ញុំជាបងប្រុសជូនពរប្អូនអោយឆ្លងផុតពេលវេលាដ៏លំបាក់នេះ បើបងប្អូនស្រលាញ់នឹងគាំទ្រគាត់ សូមជូនពរគាត់អោយឆ្លងផុតគ្រោះនេះផង ដើម្បីគាត់មានសុខភាពល្អមកបំពេញការងារសិល្បៈវិញណា។
បន្ទាប់ពីបានបង្ហោះសារនេះរួចមានប្រិយមិត្តគាំទ្រជាច្រើនបានចូលរួមជូនពរដល់ ខេមរះ ស្រីពៅ ឲ្យឆ្លងកាត់នូវការវះកាត់នេះប្រកបដោយភាពជោគជ័យ។
ជាការកត់សម្គាល់ មុននឹងការបង្ហាញពីស្ថានភាពនៃជំងឺនាពេលនេះ ខេមរៈ ស្រីពៅ ធ្លាប់បានប្រកាសតាមហ្វេសប៊ុករបស់ខ្លួនថា នាងនឹងវិលមកអាជីពសិល្បៈវិញនាពេលឆាប់ៗខាងមុខនេះ។
ខេមរៈ ស្រីពៅ បានបាត់មុខពីសិល្បៈអស់ជាច្រើនឆ្នាំ ដោយមិនដឹងមូលហេតុ ក្នុងពេលដែលនាងត្រូវបានគេសង្ស័យពីហេតុផលផ្សេងៗគ្នា។ អ្វីដែលគេសន្និដ្ឋានពិតប្រាកដនោះ គឺមូលហេតុដែលតារារូបនេះបាត់មុខ ពីសិល្បៈគឺនាងកំពុងសម្ងំព្យាបាលអាល័កហ្ស៊ីស្បែក ដោយសារតែនាងប្រើផលិតផលខុស។
យ៉ាងណាការសន្និដ្ឋាននេះបានបង្ហាញនូវភាពវិជ្ជមាន ដោយសារ ខេមរៈ ស្រីពៅ ពិតជាសម្ងំសម្រាកព្យាបាលជំងឺពិតប្រាកដមែន ដោយស្ថិតក្រោមហេតុផលជាប់សិក្សា ឬមានគ្រួសារ ដែលនាំអោយនាងឃ្លាតឆ្ងាយពីសិល្បៈនោះឡើយ៕
ចែករំលែកព័តមាននេះ