គ្រូបង្វឹកក្រូអាតថា Luka Modric នឹងស៊ីដាច់ Messi និង Ronaldo យកពាន Ballon d’Or ឆ្នាំនេះ
តាមប្រភពព័ត៌មាន Goal បានឲ្យដឹងថា គ្រូបង្វឹកក្រុមជម្រើសជាតិក្រូអាតលោក Zlatko Dalic បានអះអាងថា ឆ្នាំនេះ Modric នឹងយកឈ្នះលើ…
តាមប្រភពព័ត៌មាន Goal បានឲ្យដឹងថា គ្រូបង្វឹកក្រុមជម្រើសជាតិក្រូអាតលោក Zlatko Dalic បានអះអាងថា ឆ្នាំនេះ Modric នឹងយកឈ្នះលើ…
តាមប្រភពព័ត៌មាន Goal បានឲ្យដឹងថា គ្រូបង្វឹកក្រុមជម្រើសជាតិក្រូអាតលោក Zlatko Dalic បានអះអាងថា ឆ្នាំនេះ Modric នឹងយកឈ្នះលើ Messi និង Ronaldo ក្នុងការដណ្តើមធ្វើជាម្ចាស់ពាន Ballon d’Or ។
បើទោះបីជាដឹងថា Ronaldo និង Messi គឺជាកីឡាករជើងខ្លាំងខាងដណ្តើមប្រជែងគ្នាយកពាន Ballon d’Or តាំងពីដើម រហូតមកដល់សព្វថ្ងៃក៏ដោយ លោក Dalic នៅតែហ៊ាននិយាយក្នុងបទសម្ភាសន៍ FIFA ថា៖ «គេ (Modric) ពិតជាសមនឹងទទួលបានពាន FIFA Best Award ។ គេ គឺជាកីឡាករល្អណាស់នៅក្នុងពេល World Cup ហើយក៏ឈ្នះពាន Champions League ផងដែរ ព្រមទាំងបានជួយក្រុមជម្រើសជាតិក្រូអាតឡើងទៅដល់វគ្គផ្តាច់ព្រ័ត្រ World Cup ជាប់លេខ២ថែមទៀតផង ដែលគេជាកីឡាករលេចធ្លោជាងគេនៅក្នុងការប្រកួត »។
គ្រូបង្វឹករបស់ក្រូអាតរូបនេះបានបន្តថា«មានអ្វីដែលយើងត្រូវការទៀត ? ខ្ញុំដឹងថា Lionel Messi និង Cristiano Ronaldo គឺជាកីឡាករខ្លាំងជាងគេលើលោក តែឆ្នាំនេះ គឺជាឆ្នាំរបស់ Luka Modric។ គេគឺជាកាពីទែនក្រុម ហើយក៏ជាកីឡាករសំខាន់ក្នុងក្រុមដែរ ។ គេ គឺជាអ្នកដឹកនាំក្រុម និង ជាកាពីទែនពិតប្រាកដ ដែលបានចំណាយពេលទាំងអស់មកលើរឿងទាំងនេះ ។ គេសមនឹងទទួលបានការសរសើរ និងពានរង្វាន់ ។ គេ គឺជាបុគ្គលល្អមួយរូប និងជាកីឡាករអាជីពមួយរូបដ៏អស្ចារ្យ »។
គួរបញ្ជាក់ផងដែរថា Modric បានទទួលពាន FIFA Best Men’s Player Award នៅក្នុងសប្តាហ៍មុននេះ ដែលកន្លងមកកាលពីនៅទាត់ World Cup គេក៏បានពានបាល់មាសសម្រាប់ការជួយក្រុមជម្រើសជាតិក្រូអាតមកដល់វគ្គផ្តាច់ព្រ័ត្រ ។ តើគេអាចនឹងធ្វើជាម្ចាស់ពាន Ballon d’Or ក្នុងឆ្នាំនេះដែរឬទេ ? សូមរង់ចាំមើលទាំងអស់គ្នា ! ៕
ចែករំលែកព័តមាននេះ