ខេត្តព្រះសីហនុ ៖ ជាងជួសជុលរថយន្តម្នាក់បានបើករថយន្តធុនធំមួយគ្រឿងថយក្រោយ តែហ្វ្រាំងមិនស៊ីក៏ជ្រុលទៅបុកខ្លោងទ្វារ និងប៉ុស្តិ៍យាមខាងមុខអធិការដ្ឋាននគរបាលស្រុក បណ្តាលអោយរងការខូចខាតផ្នែកខ្លះ កាលពីរសៀលថ្ងៃទី២៨ ខែកញ្ញា ឆ្នាំ២០១៨នេះ ។…
ខេត្តព្រះសីហនុ ៖ ជាងជួសជុលរថយន្តម្នាក់បានបើករថយន្តធុនធំមួយគ្រឿងថយក្រោយ តែហ្វ្រាំងមិនស៊ីក៏ជ្រុលទៅបុកខ្លោងទ្វារ និងប៉ុស្តិ៍យាមខាងមុខអធិការដ្ឋាននគរបាលស្រុក បណ្តាលអោយរងការខូចខាតផ្នែកខ្លះ កាលពីរសៀលថ្ងៃទី២៨ ខែកញ្ញា ឆ្នាំ២០១៨នេះ ។
បើតាមសមត្ថកិច្ចប្រាប់ថា រថយន្តខាងលើនេះជារថយន្តដែលជួបគ្រោះថ្នាក់ចរាចរណ៍កន្លងមកយូរហើយដែរ រួចត្រូវបានសមត្ថកិច្ចនគរបាលយកមករក្សារទុកនៅអធិការដ្ឋាននគបាលស្រុកព្រៃនប់ ហើយនៅរសៀលថ្ងៃទី២៨កញ្ញានេះ ខាងភាគីរថយន្តនោះបានហៅជាងមកជុសជុលដើម្បីយករថយន្តត្រឡប់ចេញទៅវិញ ប៉ុន្តែបន្ទាប់ពីជួសជុលរួចរាល់ បុរសជាជាងជួសជុលរថយន្តនោះក៏បានឡើងបើកបរដើម្បីយករថយន្តចេញ លុះដាក់លេខថយក្រោយ បែរជាហ្វ្រាំងមិនស៊ី ធ្វើអោយរថយន្តថយជ្រុលទៅបុកខ្លោងទ្វារ និងប៉ុស្តិ៍យាមរបស់អធិការដ្ឋាននគរបាលស្រុក ប៉ុន្តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ។
ជាងរថយន្តខាងលើឈ្មោះខ្មៅ ដា ភេទប្រុស អាយុ២៧ឆ្នាំ មានទីលំនៅភូមិវាលធំ ឃុំវាលរេញស្រុកព្រៃនប់ ។
ករណីនេះសមត្ថកិច្ចអនុញ្ញាតអោយជាងជួសជុលរថយន្តនេះយករថយន្តចេញ ដោយខាងជាងជួសជុលយល់ព្រមជួសជុលខ្លោងទ្វារ និងប៉ុស្តិ៍យាមដែលរងការខូចខាតនេះ ៕
ចែករំលែកព័តមាននេះ